"mi àn menât in paîs, e là a volevin incjocâmi: ogni bon fornasîr al veve di fâ almancul une cjoche par stagjon"
da "Il gno prin pâr di scarpis" di Pieri Menis
"oh, biele la vite cuant che la cjoche i disfave dut: passât, presint e avignî. I dave zornadis cence memorie"
da "La tiere di Lansing" di Maria Forte
cjoches.f. (cjo-che)
Efiet di alc che si cjape, si fâs, si vîf, si à e v.i. cun masse bondance, fûr di misure (fig.)
esempi
""Toni" al scomençà a discori il plevan "la cjoche de libertât adun cun chê dai bêçs, e je plui dure di pissâ che no chê dal vin!" "
da "La cjase di Toni" di Tarcisio Venuti
cjoches.f. (cjo-che)
Cundizion di irazionalitât causade di une grande passion o ilusion (fig.)
sinonimi
cuete, calorade
esempi
"al è juste un principi, un prin pas de bande di un spirt umanitari, di une civiltât plui largje e inteligjente, une piçule mostre di ce che a varessin di capî e di fâ ducj i popui, dopo la cjoche nazionaliste durade un secul e mieç"
da "Voltâsi ator" di Josef Marchet
cjoches.f. (cjo-che)
Inamorament che al fâs pierdi il cjâf (fig.)
sinonimi
cuete, calorade
esempi
"une biele fantate, la Marculine, ducj lu diseve, ma plene di bardele e di pratesis. Dree al cjapà une grande cjoche di jê"
da "Dreate di Cjêl" di Anna Burelli Delendi
proverbi
"e je triste la cjoche dal pan"
"e je triste la cjoche dal vin, e je piês chê dal zigar, ma la piês e je chê dal pan"