SuperDizionari

monolengâl

coleghe s.m.
(co-le-ghe)

Cui che al fâs il stes lavôr, che si lavore insiemi cun lui o che al fâs la stesse profession, o che al parten ae stesse categorie, ancje se no si lavore insiemi

sinonims

compagn, compagn di vore

esemplis

"si meteve a lavorâ disvoiât intun cjanton, bugant a otante; i siei coleghis lu lassavin stâ: lu cognossevin masse ben par impaçâsi cun lui cuant che al veve la sgrimie"

gjavât fûr di "Tal ospedâl" di Amedeo Giacomini

""O levi a dâ ripetizions ai fruts" e la sô muse e tornave a cjapâ colôr. "Ah, e insegne. Alore o sin coleghis""

gjavât fûr di "I forescj" di Alan Brusini, Gian Paolo Linda

coleghe s.m.
(co-le-ghe)

Cui che al pues jessi calcolât in relazion cun cdn. altri, par carateristichis in comun, par vie di colaborazion, amistât e v.i. (fig.)

sinonims

amì, amigo, copari

esemplis

"par dî la veretât, ancje l'Invier si jere stufât di chê situazion e nol fidave la ore che la sô coleghe [la Vierte] e vignìs a dâi un pôc di solêf"

gjavât fûr di "Un bosc cence colôrs" di Franca Mainardis

torne sù