SuperDizionari

colm adi.

Plen dal dut, fin insom

sinonims

plen, incolm, folcjât

esemplis

"cassi colmi di bleons"

gjavât fûr di "I voi di Miriscja" di Novella Cantarutti

"un taulinut colm di scartafàs di meti in ordin"

gjavât fûr di "Sant Simon: 28 di Otubar 1917" di Pieri Somede dai Marcs

"inte gnot di Nadâl il cîl al sarà colm di stelis"

gjavât fûr di "Il Verbo si è fat cjar" di Tonin Cjapielâr

colm s.m.

Part plui alte di alc

sinonims

cime, insom, ponte, pic, spice

esemplis

"si viodeve ancje di lontan chel çuf di lens, come in cunvigne sul colm de alture coce"

gjavât fûr di "Cjase di Dalban" di Maria Forte

"a son vignûts fin a tîr di bombe a man e le àn butade propit sul colm de tô buse"

gjavât fûr di "I ribei" di Alan Brusini

"la gleseute di S. Pieri, une costruzion dal Cinccent cuntune cjampanute sul colm de façade"

gjavât fûr di "Lis predicjis dal muini" di Josef Marchet

colm s.m.

Pont o nivel plui alt o fuart di un fenomen, di une cundizion, di une sensazion e v.i.

sinonims

cime, colme, massim, piche, ponte, vertiç, plen, insom, spice

esemplis

"se jo no voi indenant pe lôr strade, se no puarti al colm ce che lôr a àn scomençât, la lôr fadie e je sterpe e jo no ai imparât nuie"

gjavât fûr di "La eterne lote dai furlans" di Antoni Beline

"tal colm di ogni lune lis striis de Furlanie e chês di Gjermanie si devin cunvigne"

gjavât fûr di "Lis striis di Gjermanie" di Catarine Percude

"ai 27 di Fevrâr, intal colm dal Carnevâl, la citât di Udin e je plene di int rivade ancje des vilis dulintor"

gjavât fûr di "Il Friûl de Joibe Grasse dal 1511" di Carli Pup

monolengâl