Hai cercato la parola
monolingue
Torna indietro

monolingue

colpe s.f.
(col-pe)
Azion contrarie aes leçs o ae morâl e la consecuence che indi ven fûr
sinonimi
fal, magle, scapuç, tuart
esempi
"si trate tantis voltis di vêrs delincuents e di canaiots, che si cjamin la cussience di colpis, di vergognis, di birbantariis"
da "Lis predicjis dal muini" di Josef Marchet
"la Madone e cjalave cu la stesse dolcece bogns e triscj, fortunâts e disfortunâts. Cui jerial tal just? Cui cence pecjât? Vadì nissun cun dute la colpe e nissun cence colpe"
da "La Madone de Pâs" di Maria Forte
colpe s.f.
(col-pe)
[TS] (teol.) Azion o omission contrarie a une norme religjose
sinonimi
mancjance, pecjât
esempi
"la confession e la penitance a permetin di liberâsi des colpis"
colpe s.f.
(col-pe)
[TS] (dir.) Azion di imprudence o di dismenteance, cence volontât dolose, che e fâs un dam a cdn.
colpe s.f.
(col-pe)
Responsabilitât di efiets negatîfs
sinonimi
cause
esempi
"o vevin di completâ il lavôr tal 2011. Ma nol sarà cussì: il tiermin al è spostât al 2013. Ma no je stade colpe nestre: la Port Authority no nus à consegnâts i progjets"
da "Interviste a Manlio Collavino" di Christian Romanin
"par colpe sô o vin pierdût dut, cjamps, cjase, amîs, l'onôr de famee… e dodis agns di miserie, di tribulazions pai nestris fruts"
da "Resurezion a Pontinie" di Pieri Somede dai Marcs
"si sa che al è plui facil dâ la colpe a un imprest che no a la distrazion"
da "Grivôr" di Franca Mainardis
"i Strumîrs a provin a butâ dute la colpe intor di Antoni Savorgnan, ma la inchieste puartade indenant dal delegât di Vignesie, Andrea Loredan, no palese responsabilitâts diretis intal riviel"
da "Il Friûl de Joibe Grasse dal 1511" di Carli Pup
colpe prep.
(col-pe)
In consecuence di, par vie di
sinonimi
par vie di, par colpe di, cause, par, par cause di, a cause di
esempi
"colpe il brut timp o vin scugnût restâ a cjase"
"un cont par sentiment di economie, / cuintri la opinion de sô contesse, / L'ûl a ogni pat il mestri mandâ vie, / e tignî invece la braçoladresse; / colpe chest e son lâts in dissension: / o crôt che ducj e doi vebin rason"
da "Àn rason ducj doi" di Pieri Çorut
"La reson è abatude, e calpestrade, / e plui a no si sa lâ pe drete strade, / colpe Adam, cu volè mangjâ lu Pom."
da "II, 207" di Ermes di Colorêt
proverbi
"ce colpe aie la gjate se la massarie e je mate?"
"cui che al è colpe dal so mâl che al vai se stes"
"jo la colpe e tu la polpe"
"la leç e je fate colpe dai triscj"
"la muart e à simpri la sô colpe"
"lis maledizions a van trê dîs par lûc, po a colin là che e je la colpe"
"mes nol è colpe"
Torna in Cima