SuperDizionari

monolengâl

comedie s.f.
(co-me-di-e)

(teatr.) Composizion e rapresentazion teatrâl che si pues articolâ in plui ats e senis, nassude te Grecie antighe e continuade e riformulade fin te contemporaneitât, caraterizade di situazions legris o ridiculis, cun un finâl positîf

esemplis

"la sô [di Luigi Merlo] comedie “Tra parincj”, censurade a Gurize e ancje a Triest par vie di un messaç liberâl e anticlericâl, e cjatà spazi dome a Udin al Teatri Minerva tal 1892"

gjavât fûr di "Storie e cronistorie dal teatri in Friûl" di Bepi Agostinis

"pai ultins di carnevâl i frutats dal paîs a vevin preparât une comedie che e veve di jessi fate in place"

gjavât fûr di "La comedie dal mus" di Pieri Somede dai Marcs

comedie s.f.
(co-me-di-e)

Maniere di fâ o reazion esagjerade o false (fig.)

sinonims

cine, circul, pantomime, paiaçade, plaçade, farse, gjeromete, menade, sene

esemplis

"«Mame, tu fevelis come se tu vessis di dâ vie une vacje!» e sberlà la biade Mariute. [...] «Al è dibant fâ comediis… tu lu sposis e baste! Va sù a durmî»."

gjavât fûr di "Chei di Muraie" di Pieri Menis

comedie s.f.
(co-me-di-e)

Fat o ambient che nol à nissune serietât (fig.)

sinonims

bufonade, carnevalade, cine, circ, comiche, farse, gjeromete, mascarade, mateç, paiaçade, circul

esemplis

"lis barufis pietosis fra politicants par butâ jù o par sostignî un guvier di colôr a son comediis che facilmentri a lassaran il timp che a cjatin"

gjavât fûr di "Il fier dal ciroic" di Josef Marchet

detulis

"se il Signôr nol rimedie, il diaul al fâs comedie"

torne sù