Hai cercato la parola
monolingue
Torna indietro

monolingue

compagnâ v.tr.
(com-pa-gnâ)
Lâ insiemi cun cdn. o fâ alc insiemi cun cdn., par no lassâlu bessôl o par judâlu
esempi
"la viele ju compagnà daûr, fintremai là jù dal Poçut e si intardà a cjalâju che a lavin"
da "La aghe da pît la cleve" di Dino Virgili
"tignî fede a chel dovê deontologjic che al à il miedi di compagnâ il malât ancje a la muart te maniere plui dignitose"
da "Interviste a Amato De Monte" di Christian Romanin
"il mont si cuietà e l'an dopo si son sposâts cun grande fieste; a compagnâju a cjase e jere fûr dute la zoventût dal paîs"
da "Une cotule pal dì de sagre" di Maria Forte
"in chê gnot al le a compagnâle a cjase e, su la puarte, cuant che a stavin par saludâsi, lui le tirà a se par bussâle, ma jê si diliberà des sôs mans, dute risintude"
da "Cretevierte" di Roberto Ongaro
Vedi anche: acompagnâ
compagnâ v.tr.
(com-pa-gnâ)
Di sintiment, cundizion psicologjiche, esistenziâl o ancje economiche, sociâl e v.i., restâ leade a cdn. o a alc (fig.)
esempi
"cuant che si pogneve, le compagnave un pinsîr che, gnot par gnot, al deventave simpri plui dolç:"
da "Trê feminis" di Gianni Gregoricchio
"l'afiet ju à compagnâts in vite"
da "Veruska" di Ivano Urli
compagnâ v.tr.
(com-pa-gnâ)
Puartâ cdn. intun puest, par insegnâi la strade o ben cuntun mieç di traspuart par sparagnâi timp, fadie e v.i.
sinonimi
puartâ, menâ, scuarzi
esempi
"Rose lu compagnà te cjamare che i veve bielzà parecjade"
da "Il muc" di Roberto Ongaro
"voaltris sù da bravis compagnaitle tal jet"
da "Ursule" di Pieri Somede dai Marcs
"intant che di gnot le compagnave cu la sô BMW in stazion, al memoreave ce che al varès vût di fâ cence dismenteâ il plui piçul particolâr"
da "Un piçul particolâr" di Fabian Ros
compagnâ v.tr.
(com-pa-gnâ)
Lâ daûr (fig.)
esempi
"Sandri al cjalave il ritrat dal nono e i pareve che il voli dal vecjo lu compagnàs pardut"
da "Cjase di Dalban" di Maria Forte
"Deline daûr dal barcon in sfese lu compagnave cui voi fin là jù de volte e po cul pinsîr dilunc la strade gnove, pal stradon, sul marcjât"
da "La massarie" di Dino Virgili
compagnâ v.tr.
(com-pa-gnâ)
Meti dongje dôs o plui robis, personis, elements e v.i. soredut daûr di un criteri di coerence, funzionalitât, convenience e v.i.
sinonimi
cubiâ, cumbinâ
esempi
"si veve di compagnâ un predi di serie A cuntun paîs di serie A e un predi di serie B cuntun paîs di serie B. Vadì, tal lôr intendo, un predi scart al veve dirit a di un paîs scart e un predi di prime a un paîs di prime"
da "Pre Pitin" di Antoni Beline
compagnâ v.tr.
(com-pa-gnâ)
Meti in cubie
sinonimi
incubiâ, meti ad in doi, pariâ
esempi
"al è miôr compagnâ sot dal jôf doi bûs cu la stesse fuarce"
compagnâ v.tr.
(com-pa-gnâ)
Sostignî un cjant, un bal, une recitazion e v.i. sunant un strument
esempi
"il “Cercis Cuartet” al compagne [Loris] Vescul cjareçant i struments in “Domenie”"
da "Ponts di colôr sul mont" di Piero Cargnelutti
"Nadia e balà intor dal fûc cui cjavei slicâts e chei altris le compagnavin cu la armoniche e batint lis mans"
da "La strade come un destin" di Dino Virgili
compagnâ v.tr.
(com-pa-gnâ)
Meti dongje dôs bestiis pe riproduzion
sinonimi
cubiâ, incubiâ, pariâ
esempi
"compagnâ lis paveis [dai cavalîrs]"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"Diu ju fâs po il diaul ju compagne"
"Diu ju fâs po ju compagne"
"il Signôr ju fâs e il diaul ju compagne"
"il Signôr prin ju fâs e po ju compagne"
Torna in Cima