SuperDizionari

comunicâ v.tr., v.intr.
(co-mu-ni-câ)

Dâ a cdn. une informazion, une gnove, une istruzion e v.i.

sinonims

anunziâ, confidâ, dâ part, dî, fâ cognossi, fâ savê, meti fûr, publicâ, riferî, pandi

esemplis

"i gjenitôrs dai arlêfs i comunichin ae istituzion scolastiche se a intindin zovâsi, pai lôr fîs, dal insegnament de lenghe furlane"

gjavât fûr di "La tutele de lenghe furlane a scuele" di Patrizia Pavatti

"i esponents politics e i rapresentants des istituzions in dutis lis situazions publichis a comunicavin par talian, sedi chei di diestre che chei di çampe"

gjavât fûr di "Un Friûl difarent: i 90 mhz di Onde Furlane" di Max Mauro

"lis dimissions dadis dai Assessôrs lis acete il President de Zonte regjonâl, che lis comuniche al President dal Consei regjonâl"

gjavât fûr di "Statût Speciâl de Regjon Autonome Friûl-Vignesie Julie" di Aministrazion Publiche

"il sisteme gnervôs al è formât di un grant numar di celulis, clamadis neurons, che a comunichin tra di lôr midiant il liberâsi di une sostance chimiche (neurotrasmetidôr)"

gjavât fûr di "Autonomie e democrazie, i numars de Socializazion umane" di Franc Fari, Eric Pascul

comunicâ v.tr., v.intr.
(co-mu-ni-câ)

Fâ capî, fâ sintî cun plene partecipazion une informazion, une istruzion, o ancje un sintiment, un mût di stâ e v.i.

esemplis

"Tilde e sgurlà cjâf e spalis e si disè: "Al vuarirà! Al scuen vuarî! " La stesse fiducie testarde, jê, e rivà a comunicâle a Nedo"

gjavât fûr di "Trê feminis" di Gianni Gregoricchio

"lis formis, lis oparis a vevin di comunicâ l'ordin, il sens e la emozion, fasintju visibii, fasintju indurâ tai sîts sacris dal cult par che a deventassin il riferiment comun di une culture"

gjavât fûr di "Viaç aes origjins dal Logos" di Adrian Cescje

"no baste dîsi esperts in comunicazion par rivâ a comunicâ: mai tant che in chest câs, la tonie no fâs il frari"

gjavât fûr di "Comunicâ la autonomie" di Sandri Di Suald

comunicâ v.intr.
(co-mu-ni-câ)

Vê un dialic, un passaç di informazions, istruzions e v.i., sedi a vôs che par scrit cun cdn.

sinonims

cjacarâ, fevelâ, tabaiâ, scrivi

esemplis

"il telefon nol funzionave ancjemò, e cussì no podeve nancje comunicâ cui siei"

gjavât fûr di "Ombris tal infinît" di Carlo Sgorlon

comunicâ v.tr.
(co-mu-ni-câ)

[CO] (lit.) Dâ la particule consacrade inte eucaristie

comunicâ v.intr.
(co-mu-ni-câ)

Jessi in colegament, vê un passaç che si pues doprâ

sinonims

dâ

esemplis

"la Aule Nord e la Aule Sud de basiliche di Aquilee une volte a comunicavin midiant di ambients di passaç che in part si puedin ancjemò visitâ"

monolengâl