Tu âs cirût la peraule
monolengâl
torne indaûr

monolengâl

condane s.f.
(con-da-ne)
Il condanâ, il jessi condanât, la sentence che e ricognòs une colpe e che e fisse une pene
esemplis
"i vignive ad a ments il vaî disperât di jê, cuant che i vevin lete la condane"
gjavât fûr di "Prime di sere" di Carlo Sgorlon
"il procès al si concludè dopo la muart di Cavedalis cu la condane a restituî i bêçs"
gjavât fûr di "Zuan Batiste Cavedalis - Une vite esemplâr" di Giovanni Pillinini
condane s.f.
(con-da-ne)
Opinion contrarie, disaprovazion
sinonims
blasim, critiche, disaprovazion
esemplis
"i coments di Checo e dai doi fantats a lerin indenant par un pieç e a jerin ducj di critiche e di condane par Baldo e pal so compuartament"
gjavât fûr di "Cretevierte" di Roberto Ongaro
condane s.f.
(con-da-ne)
Cundizion negative, ancje di dolôr, di torment
sinonims
danazion, persecuzion, torment, suplizi
esemplis
"no ai nancje la fuarce di jevâ sù par dâ une manade di clâf. A son cuasi doi dîs che no mangji. O vuei restâ bessôl cu la mê condane"
gjavât fûr di "I forescj" di Alan Brusini, Gian Paolo Linda
"te condane di scugnî vignî a Vençon, al veve ancje il tornecont"
gjavât fûr di "Pre Pitin" di Antoni Beline
"a mi mi pareve une condane tremende chê di no podêsi plui movi di bessole"
gjavât fûr di "Il dolfin" di Carlo Sgorlon
"nine nane, nine nane, / o rosute dal gno amôr… / je la vite une condane, / dut a glorie dal Signôr"
gjavât fûr di "Sacheburache" di Zuan Nazzi Matalon, Ottorino Burelli
torne sù