SuperDizionari

monolingue

confondi v.tr.
(con-fon-di)

Fâ che alc al sedi cence ordin, cence logjiche, che no si rivi a capîlu o che no si rivi a distinguilu di alc altri

sinonimi

messedâ, confusionâ, miscliçâ

esempi

"la Glesie catoliche no à nuie ce vuadagnâ cun chel confondi e messedâ catolicitât (che al ven a jessi «universalitât») e latinitât o italianitât"

da "Cuintristorie dal Friûl fin sot la Italie" di Josef Marchet

Vedi anche: sconfondi

confondi v.tr.
(con-fon-di)

Fâ pierdi a cdn. il fîl dal resonament o la sigurece e l'ordin di ce che al pense o di ce che al fâs

sinonimi

confusionâ, sturnî, imberdeâ, intrigâ, ingredeâ, savoltâ, sbarlufî

esempi

"il displasê grant di vê pierdût sô mari, e la dolcece di chel sintiment che al jere infin sclopât dentri di jê, si jerin miscliçâts, le confondevin tant che no rivave a pensâ cun serenitât"

da "Il sium di Lissandri" di Franca Mainardis

"la sorprese, la glorie, / dute chê confusion, / mi vevin confondude la memorie"

da "Une gnove citât in Friûl" di Pieri Çorut

confondi v.tr.
(con-fon-di)

Pensâ che alc al sedi alc altri o che cdn. al sedi cdn. altri

sinonimi

falâ, scambiâ, cjapâ

esempi

"Li pinii dai fassalets butâts sù in cima il cjâf colm di streci, a zovavin a dâi [aes feminis di Plan] un estru galandin e gjavât, cussì che a nal nasseva mai da confondali cu li Tramuntini penzi ta li cotali di lana nera"

da "La femina di Marasint" di Novella Cantarutti

proverbi

"no bisugne confondi ebreus cun samaritans"

Torna in Cima