Hai cercato la parola
monolingue
Torna indietro

monolingue

consei s.m.
(con-sei)
Indicazion che si da a cdn. par judâlu o ancje par prevignîlu di cualchi consecuence negative
sinonimi
avertence, avîs, esortazion, parê, racomandazion, sugjeriment
esempi
"jo o sarès simpri a tô disposizion, par dâti conseis, par indreçâti e cence pandi nuie"
da "Il muc" di Roberto Ongaro
"al pensave simpri ae biele vite che so pari al menave a Vendâs, jenfri i clients che i domandavin conseis par comprâ e par vendi, e lui al faseve i bêçs nome cu lis opinions"
da "Par stradis lungjis" di Alan Brusini
consei s.m.
(con-sei)
Riunion par cjapâ decisions su cuistions di interès comun
sinonimi
adunance, assemblee, consultazion, consulte, riunion
esempi
"il vieli, che nol jere vignût madûr dibant, al si visà di chê ruede che e coreve denantdaûr [un nevôt che nol lavorave e al straçave]. Alore al tignì consei sul cjast"
consei s.m.
(con-sei)
Grup formât di plui personis che si dan adun in rapresentance o tai interès di un grup plui grant, par cjapâ decisions, frontâ problemis, dâ parês e v.i.
sinonimi
coleç
esempi
"sui sfueis e comparìs ancjemò une liste di delibaris fatis dai conseis spirants e aprovadis de prefeture"
da "No sin contents!" di Josef Marchet
"chest ordenament [dai comuns furlans medievâi] al fo di chê sorte stesse di diviersis citâts da la alte Gjermanie. A vevin i lôr conseis, a fasevin lis lôr leçs e i lôr statûts"
da "Cuintristorie dal Friûl fin sot la Italie" di Josef Marchet
proverbi
"a tignî i dincj denant de lenghe, al è simpri un bon consei"
"a tignî i dincj sierâts in bocje, al è simpri un bon consei"
"al vâl plui un bon consei che no une borse di bêçs"
"consei di vieli, aiût di zovin"
"conseis di viei a judin i zovins"
"daspò fat ognidun al da consei"
"la gnot e je la mari dal consei"
"miôr un aiût che no cent conseis"
"seren di gnot, conseis di feminis"
"un bon consei cjolilu ancje di un cjalçumit"
Torna in Cima