Tu âs cirût la peraule
monolengâl
torne indaûr

monolengâl

cont s.m.
Operazion aritmetiche
sinonims
operazion, calcul
esemplis
"“Vuê il mestri mi à dit che tai conts nissun mi passe” i diseve Bertin"
gjavât fûr di "Cjase di Dalban" di Maria Forte
"Fatime e Bruno, plui concrets di jê, a fasevin un grum di conts par valutâ la ereditât di Eve"
gjavât fûr di "Ombris tal infinît" di Carlo Sgorlon
"i conts sul cuartês, tal ultin a tornavin istès"
gjavât fûr di "I furlans e i predis" di Riedo Pup
cont s.m.
Sume di bêçs che e corispuint a un acuist, a un lavôr, a un servizi e v.i.
esemplis
"al meteve lis cjartis tal tacuin di tele incerade, calcolant se tai ultins dîs al veve plui vuadagnât lavorant o spindût paiant il cont da la ostarie"
gjavât fûr di "Prime di sere" di Carlo Sgorlon
cont s.m.
(bancj.) Complès des regjistrazions di bancje in dâ e in vê che a regolin il rapuart cuntun client
esemplis
"la impueste di paiâ e je fisse, val a dî 34 euros, se la sussistence medie sul cont dilunc dal an e passe il limit di 5.000 euros"
gjavât fûr di "Invistiments forescj e declarazion dai redits" di Mariannina Rocco
cont s.m.
Massime cuntun possessîf, pont di viste, opinion
sinonims
opinion, parê
esemplis
"la piês robe, par gno cont, e je la zelosie"
gjavât fûr di "Sul florî" di AAVV
cont s.m.
Pont di discussion o aspiet cjapât in considerazion
sinonims
cantin, argoment, teme, aspiet
esemplis
"su chel cont [sul teme des autonomiis] i eletôrs talians a son dividûts: dute la criche leade par interès ae burocrazie centrâl o aes gruessis leghis industriâls, insiemi cun cuatri gnognos di nazionaliscj in buine fede, e je contrarie. Chei altris a son a favôr"
gjavât fûr di "Fieste finide" di Josef Marchet
"la stale e je propit une istituzion impuartantissime, fondamentâl par tancj conts"
gjavât fûr di "I furlans e la stale" di Riedo Pup
cont s.m.
In corelazions che a metin in confront plui tiermins, ognidune des robis diferentis
sinonims
robe
esemplis
"un cont al è jessi cuintri o metisi cuintri di cualchidun, un cont al è, magari, ancje bandonâ i compagns par un mût di viodi diferent o ancje par pôre, ma un altri cont al è tradî par fâsi benvolê dai gnûfs parons"
gjavât fûr di "Il muc" di Roberto Ongaro
cont s.m.
Ancje tal pl., cuistion, probleme che si à cun cdn.
esemplis
"ma jo je fâs paiâ! Oh, se je fâs paiâ! Crodessio di spietâ une vite, ma i torni la farine e inmò cu la muldure. Intant cumò i fâs biele muse e bon acet e po, biel planc, o pensarai cemût che o ai di fâ par saldâ il cont"
gjavât fûr di "Il muc" di Roberto Ongaro
detulis
"a la ostarie si fâs il cont prin di lâ vie"
"conts dispès, amicizie lungje"
"cui che al fâs il cont denant l'ostîr lu fâs dôs voltis"
"cui che al ten cont dal pôc al ten cont ancje dal trop"
"nûl in mont, ploie in cont"
"su la Val di Josafat si salde ducj i conts"
"un cont cence contâ al è come une bote cence cerclâ"
torne sù