SuperDizionari

contat s.m.
(con-tat)

Il fat che doi ogjets o personis si tocjin

esempi

"Alessandro Volta al veve anticipât i timps cu la sô teorie su lis corintis eletrichis origjinadis dal contat tra metai di specie chimiche diferente che intal 1799 lu à puartât a inventâ la pile eletriche"

da "Lis celis organichis nanostruturadis" di Lorenzo Marcolini

"[il pas] in ultin si ferme sul contat dal sghinc su la bancje"

da "Madalene" di Franco Marchetta

contat s.m.
(con-tat)

Rapuart che al nas jenfri personis o comunitâts

sinonimi

amicizie, amistât, cognossince, familiaritât, leam, rapuart, relazion

esempi

"o pensi che cun tancj miei amîs di scuele il contat si pierdarà i prins di Jugn"

da "Sul florî" di AAVV

"i contats che a jerin za in vore tra diviers di chescj e la ALE a deventin plui strents e plui fuarts e a puartin ae adesion de plui part di lôr ae Aliance"

da "Corsiche, Scozie, paîs Basc, Catalogne, Friûl... Europe" di Marc Stolf

"la benedizion des fameis al jere un mût par cognossi i gnûfs nîts, saludâ i vecjos e cirî un contat jenfri la glesie e la int"

da "Pre Pitin" di Antoni Beline

contat s.m.
(con-tat)

(gjeol.) Pont o linie di incuintri jenfri dôs diviersis formazions di cret

esempi

"[lis dolomiis caruladis] a rivin in superficie tal cuel di Preon e dilunc de Seace la che a son in contat tetonic cu la Dolomie di For "

da "Gjeologjie e paleontologjie ator di Preon" di Francesco Gobbo

contat s.m.
(con-tat)

(eletr.) Condutôr che al vierç o al siere un circuit eletric

sinonimi

contat eletric

contat s.m.
(con-tat)

[TS] (telev.) Unitât par misurâ la scolte de television, dade dal spetatôr che al viôt par almancul un minût un spetacul

contat s.m.
(con-tat)

[CO] (inform.) Colegament di un utent cuntun sît web o cuntun so contignût

sinonimi

colegament, visite, visualizazion

esempi

"sîts internet di informazion che a viazin sui 300 mil contats al mês"

da "La lezion catalane" di William Cisilino

contat s.m.
(con-tat)

[CO] (inform.) Tal pl., sezion di un sît web dulà che si segne la direzion, la direzion di pueste eletroniche, il numar di telefon e v.i. par comunicâ cui titulârs dal sît

contat s.m.
(con-tat)

(gjeom.) Pont là che dôs curvis che si incuintrin a àn une tangjente comune

monolingue