Hai cercato la parola
monolingue
Torna indietro

monolingue

contentâ v.tr.
(con-ten-tâ)
Fâ jessi content, sodisfat cdn., ancje concedint alc par fâlu stâ ben o par fâlu stâ bon
sinonimi
apaiâ, esaudî, sodisfâ, complasê
esempi
"al è interès di ogni guvier contentâ il plui grant numar pussibil dai siei sogjets, se al vûl durâ"
da "La scrassigne" di Josef Marchet
"i prins mês dut al leve ben: buine Perine sô madone, bon Checo so missêr; e jê si butave in cuatri par contentâju"
da "A jerin lagrimis" di Pieri Somede dai Marcs
contentâ v.tr.
(con-ten-tâ)
Dâ plasê a une part de persone, a un dai sens, a une componente psicologjiche e v.i.
sinonimi
sodisfâ, passi, complasê, apaiâ
esempi
"un stâ ducj insiemi che al contentave il cûr"
da "Come tai romançs" di Alan Brusini
"«Bon, bon! Un vin che al à grinte, che si tache ben!» e lu tirave jù a tacis, cjalant il sofit come un gnûf paradîs. Si scusave. «Nol è par gole di bevi, dome par contentâ la bocje»"
da "La tiere di Lansing" di Maria Forte
"i plaseve fâ lis robis cun ordin, e in mût che a contentassin ancje il voli"
da "Prime di sere" di Carlo Sgorlon
contentâ v.tr.
(con-ten-tâ)
Dâ esecuzion, sodisfazion, rispueste e v.i. a alc che al covente, che al ven domandât o a cdn. che al à domandât un servizi, une marcjanzie e v.i.
sinonimi
corispuindi, rispuindi, sodisfâ
esempi
"parfin Margarite, la parone, i voleve ben par chel so mût di fâ, chel contentâ i clients in dutis lis manieris, chel cumbinâ lis robis che nissun nol jesseve de buteghe cence vê comprât"
da "Amîs come prime" di Alan Brusini
"cun C si vûl nomenâ i bens e servizis di consum, che a son produsûts par contentâ lis dibisugnis des fameis"
da "Dal Prodot Interni Lort aes misuris dal benstâ" di Marzi Strassolt
contentâ v.tr.
(con-ten-tâ)
De famee dal morôs, lâ a fâ la prime visite formâl ae famee de morose par fâ la impromission (ass.)
esempi
"tacade le carete tîr a doi cun sô mari e so pari cu la mace dal pomul di arint e i bregons a sbuf sore lis cjalcis blancjis, al leve a Riçûl a contentâ"
da "Come tai romançs" di Alan Brusini
proverbi
"a volê contentâ une nuvice e ven la stice"
"al è impussibil di contentâ ducj"
"predis e pastôrs no contentin mai ducj"
Torna in Cima