SuperDizionari

monolengâl

rispuindi v.tr., v.intr.
(ris-puin-di)

Dî o scrivi alc a cui che al à fat une domande o che al à tacât une conversazion

sinonims

ribati

esemplis

"[Zenco] al è lât dongje de taule di Silvio e al à scomençât a domandâ trop che al costave chest, e trop chel… E Silvio a rispuindii"

gjavât fûr di "I colaçs" di Meni Ucel

"pre Checo al veve zirade la letare a pre Antoni Beline, che i rispuindeve cuntun document biel lunc"

gjavât fûr di "Memoriis di politiche linguistiche" di Adrian Cescje

Viôt ancje: raspuindi, respuindi, rispundi

rispuindi v.intr.
(ris-puin-di)

Dâ une rispueste insuride

esemplis

"«Cjo, rispuint, sâstu», e jo: «Cui rispuint!», e je: «Tu, tu… ce crodistu di jessi»"

gjavât fûr di "Lassait che mi sbrochi!" di Pieri Somede dai Marcs

rispuindi v.tr., v.intr.
(ris-puin-di)

[TS] (lit.) O intune cjançon o intune preiere, dî une frase che e je rispueste a un altri che si lu à recitât

esemplis

"il vieli al preave tirant la aghe sante, e chei altris i rispuindevin daûr. "Signôr, daitnus un lambri di pâs e di ce vivi a nô e a lis nestris bestiis!" "Amin!" chei daûr"

gjavât fûr di "La aghe da pît la cleve" di Dino Virgili

"la funzion e lave indenant cui plevans a intonâ lis preieris e i cjants, e la int a rispuindi"

gjavât fûr di "Otavari a Madone" di Meni Ucel

rispuindi v.intr.
(ris-puin-di)

Reagjî, sedi a peraulis che cui fats, spec. cun energjie

sinonims

ribati, replicâ, reagjî

esemplis

"la polemiche e sarès lade indevant cuissà trop e no jere di sigûr destinade a zovâ a Cavedalis. In efiet, rispuindint ai atacs, lui nol faseve altri che provocânt altris simpri plui fuarts"

gjavât fûr di "Zuan Batiste Cavedalis - Une vite esemplâr" di Giovanni Pillinini

"la scuadre di Veloce e veve scomençât a rispuindi al fûc"

gjavât fûr di "Il muc" di Roberto Ongaro

rispuindi v.intr.
(ris-puin-di)

Mudâ di stât, di cundizions e sim. in reazion a un stimul, a un tratament e v.i.

esemplis

"al rispuindeve di plui o di mancul a lis curis, simpri daûr de fuarce di volontât, de voie e de fede di vuarî che il malât al veve"

gjavât fûr di "Cretevierte" di Roberto Ongaro

rispuindi v.intr.
(ris-puin-di)

[TS] (sport) Fâ une azion daurman daûr di chê che al à a pene tentade di fâ l'aversari

esemplis

"si à di calcolâ une vore ben chês che a podaressin jessi lis consecuencis de nestre mosse e previodi cemût che al rispuindarà l'aversari"

gjavât fûr di "Zuìn di scacs" di Nilde Teresa Negro

rispuindi v.intr.
(ris-puin-di)

Fâ une azion, une funzion metint in vore une volontât, un comant, un stimul e v.i.

sinonims

ubidî

esemplis

"al veve un bisugn mostro di un got di vin par podê controlâ i moviments che no i rispuindevin ai comants"

gjavât fûr di "Cretevierte" di Roberto Ongaro

rispuindi v.intr.
(ris-puin-di)

Jessi in coformitât cun ce che al è domandât o cun ce che si spietisi

sinonims

sodisfâ, corispuindi

esemplis

"la caritât e je libare e magari ancje arbitrarie: no à leç e no rispuint a nissun vêr dirit. La justizie no po jessi ni arbitrarie ni libare, e scuen cjalâ nome il dirit"

gjavât fûr di "Cirî la caritât" di Josef Marchet

"la tutele di chês lenghis [...] no rispuint dome a une dibisugne culturâl ma e je ancje la metude in vore di principis di fonde tant che libertât e avualitât"

gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf

rispuindi v.intr.
(ris-puin-di)

Dâ cont di alc, cjapâsi la responsabilitât di alc o di cdn.

esemplis

"a saran i "esponents" di vuê, di une bande o di chê altre, a maraveâsi e a disdegnâsi di jessi clamâts a rispuindi di ce che a fasin"

gjavât fûr di "Dissipline" di Josef Marchet

"rivât in pont di muart, il rabin i à domandât se al jere pront a lâ a rispuindi denant di Jahvè. Lui al à dit che nol veve grancj fastidis, dal moment che nol veve propit grancj delits"

gjavât fûr di "Sant Jacum, là che al finìs il mont" di Antoni Beline

detulis

"ame cui che ti ame e rispuint a cui che ti clame"

"domandâ al è lecit, rispuindi e je cortesanie"

"domandâ al è lecit, rispuindi e je cortesie"

"no bisugne rispuindi se no si è clamâts"

"saludâ e je cortesie, rispuindi al salût al è un dovê"

"sint prin di rispuindi"

torne sù