SuperDizionari

contest s.m.
(con-test)

Il complès dai concets o des parts di un scrit o di un discors in relazion tra di lôr

sinonims

suaze

esemplis

"a vignivin programadis lis vôs di cualchi personaç de politiche o de culture, gjavadis fûr dal contest origjinari, cuntun efiet satiric e comic"

gjavât fûr di "Un Friûl difarent: i 90 mhz di Onde Furlane" di Max Mauro

contest s.m.
(con-test)

Struture gjenerâl di une opare artistiche

sinonims

complès

esemplis

"si sintì la bisugne di rapresentâ la figure umane in forme plastiche e monumentâl, ancje distacade dal contest des secuencis narativis di fregjis e metopis"

gjavât fûr di "Viaç aes origjins dal Logos" di Adrian Cescje

contest s.m.
(con-test)

Complès des circostancis, des ideologjiis, des figuris che a son tipichis di cierts moments, di ciertis situazions e v.i. e che a puedin dâ reson de nassite di cierts fenomens o dal sucedi di cierts fats

sinonims

complès, cuadri, situazion, suaze

esemplis

"a distance di mieç secul, o podìn dî che lis acusis di pre Bepo a son restadis intatis, ancje se il contest economic e sociâl al è mudât"

gjavât fûr di "La eterne lote dai furlans" di Antoni Beline

"inserî il scandul dal presit dal lat, che al vâl mancul de gasose, tal contest di une soluzion globâl dal probleme dai presits, intune prospetive di justizie gjenerâl e di une ecue distribuzion dai redits jenfri ducj i lavoradôrs"

gjavât fûr di "I furlans e la partecipazion" di Riedo Pup

monolengâl