SuperDizionari

suaze s.f.
(sua-ze)

Telâr di len o di un altri materiâl, di plui formis e colôrs, metût ator di cuadris, spiei, fotografiis e v.i.

sinonims

telâr, curnîs

esemplis

"i mûrs di colôr simpri resint e cuadris in suaze e mobilie di lustrifin, a siôr vie…"

gjavât fûr di "La aghe da pît la cleve" di Dino Virgili

"pardut un dêt di polvar, fin su lis suazis dai cuadris di ogni misure di sants e madonis che a fodravin in disordin lis parêts"

gjavât fûr di "Pre Josef" di Pieri Somede dai Marcs

"tun grant spieli cu la suaze indorade, picjât sore il caminet, si rifleteve la lûs dai lampadaris"

gjavât fûr di "Fûr di timp" di Jolanda Mazzon

Viôt ancje: suarze

suaze s.f.
(sua-ze)

Ce che al è ator e che al siere, spec. cun elements di bielece (fig.)

sinonims

cengle, contor, corone

esemplis

"[la Elade] e je li, li che e je simpri stade, te suaze des sôs monts consumadis e staronzadis dai secui, de lûs che le imbombe e dal mâr che al custodìs il so sium"

gjavât fûr di "Viaç aes origjins dal Logos" di Adrian Cescje

suaze s.f.
(sua-ze)

Complès di elements decoratîfs o ambientâi li che al sucêt alc (fig.)

sinonims

atmosfere, contest, contor, sene

esemplis

"une storiche cerimonie [...] tignude te splendide suaze dal salon dal Cjistiel di Udin"

gjavât fûr di "Peraulis in libertât: i atlants linguistics" di Giovanni Frau

suaze s.f.
(sua-ze)

Complès dai elements che a stan sot o daûr di un acjadiment, di une azion, di un fenomen, di une personalitât e v.i. (fig.)

esemplis

"il so non [di Jacum] al salte fûr plui inlà e come di suaze te conte de presonie e de liberazion miracolose di Pieri"

gjavât fûr di "Sant Jacum, là che al finìs il mont" di Antoni Beline

"inte suaze dai intervents de leç regjonâl n. 15 si previodeve di sburtâ lis trasmissions televisivis par furlan"

gjavât fûr di "Un Friûl difarent: i 90 mhz di Onde Furlane" di Max Mauro

suaze s.f.
(sua-ze)

Maniere di viodi o di presentâ un resonament, un pinsîr, un fat e v.i. (fig.)

esemplis

"pre Pieri al cirì di dâi une suaze un alc filosofiche a chel discors un tant strambalât"

gjavât fûr di "Ricuarts e inlusions" di Enrico Martina

monolengâl