SuperDizionari

contignût adi.
(con-ti-gnût)

Che al è dentri

sinonims

tignût dentri

contignût adi.
(con-ti-gnût)

Di sintiment, sensazion e v.i., che al ven tignût dentri, cence fâlu capî o fâlu pesâ masse su chei altris

esemplis

"ce diviers il dolôr contignût di so pari, un dolôr di om. Lui invezit nol podeve stratignîsi, il mont i jere mancjât sot i pîts. Ce ise la muart? Parcè?"

gjavât fûr di "Par stradis lungjis" di Alan Brusini

"sot di cheste aparence, par altri, al jere dut un 'siminâ di sintiments, di desideris, di sperancis; in ogni cjase, sot la cinise de pazience, dal rassegnât adatâsi, a ardevin lis boris dal contignût spietâ"

gjavât fûr di "Cretevierte" di Roberto Ongaro

contignût adi.
(con-ti-gnût)

Di alc che al pues jessi misurât, valutât e v.i., che al à un valôr medi o bas, che al à pocje intensitât e v.i.

sinonims

bas, controlât, moderât, piçul, staronzât, stratignût

esemplis

"cualchi altre cjosse di un valôr mercantîl contignût e cuntun valôr di ûs relatîf"

gjavât fûr di "Eivissa mon amour" di Fabian Ros

contignût s.m.
(con-ti-gnût)

Ce che al è dentri di alc, soredut dentri di un recipient

esemplis

"si fermarin dongje di un taulon li che al podeve viodi une borsete cun sparniçât daprûf dut il contignût"

gjavât fûr di "Un piçul particolâr" di Fabian Ros

"i rescj vegjetâi [...] si puedin studiâ ancje analizant [...] il contignût dal stomi di mumiis o di cadavars "

gjavât fûr di "La preistorie in Friûl" di Andrea Pessina, Gaetano Vinciguerra

contignût s.m.
(con-ti-gnût)

Argoment, nozion, narazion e v.i. che e je dentri di un test, di une comunicazion, di une opare e v.i.

sinonims

argoment, idee, materiâl, materie, sostance, teme

esemplis

"Inte traduzion, in plui di cirî di rindi i contignûts dal test e lis diviersis carateristichis formâls, si à tignût une vore cont di chestis struturis [metrichis e formâls]"

gjavât fûr di "Jentrade de Odissee" di Sandri Carrozzo, Pierluigi Visintin

"la lenghe furlane e pues jessi metude in cundizion di esprimi ancje contignûts “alts”"

gjavât fûr di "La cundizion sociolinguistiche dal furlan" di Linda Picco

""La plovisine" (...): une des lirichis tra lis plui cognossudis di chest autôr, dulà che o cjatìn ispirazion, espression, contignût e forme"

gjavât fûr di "Pieri Çorut" di Roberto Jacovissi

monolengâl