SuperDizionari

monolingue

continui adi., s.m.
(con-ti-nui)

Che no si ferme, che al va indenant tal spazi, tal timp, che al manten une azion, une carateristiche e v.i.

sinonimi

cence padin, cence polse, continuât, eterni, filât, fis, indurant, insistent, permanent, perpetui, persistent, restîf, salt, seguitîf, spes, sprolungjât, stabil

esempi

"chê azion e je stade, e no podeve no sei, une bataie continue, che o ai pierdude, ma che o tornarès a scombati pas su pas se o ves di tornâ a scomençâle"

da "Memoriis di politiche linguistiche" di Adrian Cescje

"alc che no saveve spiegâsi. Une continue spiete di un reful di novitât che al mudàs il drandran, ma ce?"

da "Cretevierte" di Roberto Ongaro

"chest procediment di disfredament, mancjant un poç termic esterni, al à puartât a un aument continui de temperadure e de pression te struture primarie di contigniment"

da "Il disastri de centrâl nucleâr di Fukushima Dai-ichi" di Alessandro Pascolini

Vedi anche: continuo

continui adi.
(con-ti-nui)

Che al torne a sucedi dispès

sinonimi

continuât, fis, salt, seguitîf, stabil

esempi

"tal 1252 al tacà a Vençon un marcjât setemanâl che al deventà motîf di contrascj continuis cun Glemone"

da "La culine furlane" di Luigina Di Giusto, Andrea Guaran e Mauro Pascolini

continui adi.
(con-ti-nui)

(mat.) Di funzion, che e je definide su doi spazis topologjics, tâl che la cuintriimagjin di ogni intor di f(x) e je un intor di x

continui adi., s.m.
(con-ti-nui)

(filos.) Inte filosofie aristoteliche, che al è fat di elements che si pues simpri dividiju

continui adi., s.m.
(con-ti-nui)

(fon.) Di sun, che al pues vê une articolazion plui lungje, par esempli intes vocâls

proverbi

"fiere continue e cope cjavai"

"la gote continue e sbuse la piere"

"la gote continue e svuede il vassiel"

Torna in Cima