Hai cercato la parola
monolingue
Torna indietro

monolingue

cordon s.m.
(cor-don)
Spali avonde grues o cuarde plui o mancul fine, pal solit di coton o di sede colorade, doprade par leâ vistîts, par furniment o par lavôrs di tapeçarie o par cualsisei altri ûs
esempi
"la Lise e paiave cul judâle in dut; parfin a tirâi i cordons dal bust"
da "Cjase di Dalban" di Maria Forte
"e leieve la «Filotee» cui ocjâi impirâts sul nâs e leâts cuntun cordon neri ator dal cuel"
da "Agne Ursule" di Pieri Menis
"centurions de milizie cun acuilis di arint e aur, fassis e cordons di ducj i colôrs"
da "I crostui" di Sergio Rebuson
Vedi anche: curdon
cordon s.m.
(cor-don)
Cjadenute di metal, pal solit preziôs
esempi
"e passà pal cjâf il cordon cul perusin di aur che Zuan i veve puartât te Sierade, e po e saltà fûr a spietâ il caretin di Ustin Bracent par lâ a Udin cun lui"
da "La tiere di Lansing" di Maria Forte
"une casselute plene di anei, veris, pontepets, rincjins, braçalets, golainis e cordons, dut di aur"
da "La Madone dai siet dolôrs" di Pieri Somede dai Marcs
cordon s.m.
(cor-don)
Cualsisei robe o element che al vedi une forme lungje che e ricuarde chê di une cuarde (fig.)
esempi
"il tuessin dal palût che si slungjave fin al cordon lontan dai nûi"
da "Kebar krossè" di Stiefin Morat
cordon s.m.
(cor-don)
Schirie di personis o di elements cun funzions di control
esempi
"un cordon di pulizio, vignudo sù a puesto di Tumieç, e impedivo di svizinâsi imò"
da "Fulvio ReddKaa Romanin" di Geologicamente impossibile
cordon s.m.
(cor-don)
[TS] (anat.) Orghin flessibil o struture anatomiche fibrose in forme di cuarde
cordon s.m.
(cor-don)
[TS] (numism.) ôr dentelât di une monede
Torna in Cima