Tu âs cirût la peraule
monolengâl
torne indaûr

monolengâl

corint s.f.
(co-rint)
Masse di aghe, o ancje di altri fluit, che si môf intune direzion
sinonims
corentie, flus, corevul
esemplis
"a fâ il bagn tal flum si à di stâ atents di lâ dulà che no je corint"
"e vualmà un cjan che al nadave te corint"
gjavât fûr di "Ombris tal infinît" di Carlo Sgorlon
corint s.f.
(co-rint)
Moviment di robis o personis
sinonims
flus, zîr, moviment
esemplis
"la prime vuere mondiâl e veve fermât lis corints migratoriis che a levin tes Gjermaniis"
corint s.f.
(co-rint)
Tindince di opinions politichis, ideologjichis, religjosis, artistichis, e v.i.
sinonims
moviment, scuele, tindince
esemplis
"il gnosticisim, une des corints teologjichis/filosofichis di orientament pardabon elitari, che si veve difondude tai timps dal prin cristianisim"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
"Afro al studiarà e al fasarà pratiche a Vignesie, a Florence, a Rome e a Milan, vincint premis di piture e jentrant in contat cu lis plui impuartantis corints artistichis talianis"
gjavât fûr di "Afro Basaldella" di Luca De Clara
corint s.f.
(co-rint)
Passaç di eletrons traviers di un condutôr, doprade tant che energjie par fâ funzionâ motôrs, aparâts, lampadinis e v.i.
sinonims
eletricitât, fuarce eletriche, lûs, eletric, corint eletriche
esemplis
"e je saltade la corint"
"une volte colegât a la prese di corint di colp l'aparât al veve tacât a sgrasaiâ… ondis AM… vôs lontanis… ondis FM… cjançons di musiche pop…"
gjavât fûr di "I nemîs" di Checo Tam
detulis
"cjaminâ cuintri corint al è come pissâ cuintri vint"
"mai nadâ cuintri de corint"
torne sù