Tu âs cirût la peraule
monolengâl
torne indaûr

monolengâl

credit s.m.
(cre-dit)
Il jessi degn di jessi crodût
sinonims
credibilitât, incredit, credince, incredince
esemplis
"chestis a son bausiis che no fasin mâl a nissun: ma intant a son bausiis, e cui che lis conte al piert il credit"
gjavât fûr di "Lis predicjis dal muini" di Josef Marchet
credit s.m.
(cre-dit)
Il dâ un ben o un servizi cence jessi paiâts daurman, in cambi dal impegn di disdebitâsi di cui che al cjape chel ben o chel servizi
sinonims
credince, incredince
esemplis
"al beveve a credit, fin cuant che i 'ndi davin"
gjavât fûr di "Credit" di Meni Ucel
credit s.m.
(cre-dit)
Concession di bêçs, in cambi dal impegn dal debitôr di disdebitâsi, in câs ancje cun interès
sinonims
credince, incredince, incredit
esemplis
"l'impuariment al è la consecuence dal câl dal redit disponibil che al ven integrât midiant prestits bancjaris e credit al consum"
gjavât fûr di "Il futûr dal Friûl: laude ae “no sotan” economy" di Fulvio Mattioni
"cu la sô ativitât al jere rivât al pont che lis bancjis i vevin sierât i credits, a un tant che, dopo di vê vendût dut ce che al podeve, al scugnì ricori ai usurârs"
gjavât fûr di "Un piçul particolâr" di Fabian Ros
credit s.m.
(cre-dit)
Cundizion li che si è o si sintisi in dirit di vê alc (fig.)
esemplis
"o soi une che si riten simpri in credit cu la vite"
gjavât fûr di "Trê feminis" di Gianni Gregoricchio
detulis
"cui che al à debit al à credit"
"in chê dì che si paie un debit si vierç un credit"
"se tu fasis debits tu cuistis parons, se tu fasis credits tu pierdis amîs"
torne sù