Hai cercato la parola
monolingue
Torna indietro

monolingue

credit s.m.
(cre-dit)
Il jessi degn di jessi crodût
sinonimi
credibilitât, incredit, credince, incredince
esempi
"chestis a son bausiis che no fasin mâl a nissun: ma intant a son bausiis, e cui che lis conte al piert il credit"
da "Lis predicjis dal muini" di Josef Marchet
credit s.m.
(cre-dit)
Il dâ un ben o un servizi cence jessi paiâts daurman, in cambi dal impegn di disdebitâsi di cui che al cjape chel ben o chel servizi
sinonimi
credince, incredince
esempi
"al beveve a credit, fin cuant che i 'ndi davin"
da "Credit" di Meni Ucel
credit s.m.
(cre-dit)
Concession di bêçs, in cambi dal impegn dal debitôr di disdebitâsi, in câs ancje cun interès
sinonimi
credince, incredince, incredit
esempi
"l'impuariment al è la consecuence dal câl dal redit disponibil che al ven integrât midiant prestits bancjaris e credit al consum"
da "Il futûr dal Friûl: laude ae “no sotan” economy" di Fulvio Mattioni
"cu la sô ativitât al jere rivât al pont che lis bancjis i vevin sierât i credits, a un tant che, dopo di vê vendût dut ce che al podeve, al scugnì ricori ai usurârs"
da "Un piçul particolâr" di Fabian Ros
credit s.m.
(cre-dit)
Cundizion li che si è o si sintisi in dirit di vê alc (fig.)
esempi
"o soi une che si riten simpri in credit cu la vite"
da "Trê feminis" di Gianni Gregoricchio
proverbi
"cui che al à debit al à credit"
"in chê dì che si paie un debit si vierç un credit"
"se tu fasis debits tu cuistis parons, se tu fasis credits tu pierdis amîs"
Torna in Cima