Hai cercato la parola
monolingue
Torna indietro

monolingue

creste s.f.
(cres-te)
Formazion cjarnose rosse sul cjâf di diviersis bestiis, par esempli di gjai, gjalinis, poleçs, spec. dai masclis
sinonimi
çuf
esempi
"il gjal si fâs indevant cul bec a pene viert, cu la creste dreçade, cui barbaiocs ros slusints, cu lis plumis sglonfadis"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
creste s.f.
(cres-te)
Cualsisei forme o struture che e da insù insom di alc
creste s.f.
(cres-te)
Sorte di scufe blancje, doprade plui di dut des feminis di servizi
esempi
"no i someave nancje vêr che la camarele - grumâl blanc e creste inriçade - i domandàs ce che i plaseve di mangjâ"
da "Cjase di Dalban" di Maria Forte
""Oh, pre Jaroni!..." si disè a mieze vôs la camarele cul grimâl blanc e la creste"
da "La aghe da pît la cleve" di Dino Virgili
creste s.f.
(cres-te)
Profîl spiçât e lunc li che si zontin dôs cuestis di mont
esempi
"une ponte che si slançave de bande di soreli a mont cuntune creste di crets scûrs"
da "Int no consumade" di Agnul di Spere
"di chê altre bande la murace des monts cu lis crestis imò blancjis di nêf"
da "Friûl di Vierte" di Dino Virgili
creste s.f.
(cres-te)
Ande supierbeose (fig.)
sinonimi
pretese
esempi
"scugnî tratâ cuntune raze di impleâts gnove cree e cun tante di creste, ma mancul pratiche e oneste di chê di prime"
da "Cuintristorie dal Friûl dal 1866 fint in dì di vuê" di Francesc Placerean
"«E vignarà ben ancje la sô che e smetarà dute chê creste…»"
da "Un muart su la strade" di Pieri Menis
creste s.f.
(cres-te)
Desideri pretenziôs e irazionâl (fig.)
sinonimi
camofe, estri, fumane, gri, jevade di cjâf, mateç, matetât, menade, meneuce, morbin, passion, pice, sbisie, schiribiç, smanie, snaric, stoc, tic, tîr, uce, voie, capriç
esempi
"cjalaitlis chestis zovinis, / devotis e modestis, / che bandonant lis crestis / sí donin al Signôr"
da "Conversions pusticis" di Zaneto
creste s.f.
(cres-te)
Cuantitât in soreplui
esempi
"e veve ancjemò su la gobe une creste di preson di sîs mês"
da "La none in cuço e Cutolo assolt" di Riedo Pup
Torna in Cima