Tu âs cirût la peraule
monolengâl
torne indaûr

monolengâl

croste s.f.
(cros-te)
Part superficiâl e dure di alc
sinonims
crodie, scusse
esemplis
"il cjan nol jere stupit, al à sì viodût che i cjolevi lis crostis dal pan, ma nancje che al ves nasât in ce stâts che mi cjatavi a sei, mi à lassât cjapâ sù"
gjavât fûr di "Storie di Min" di Ivano Urli
"si ciape une slepe di formadi fresc di latarie, si grate cul curtìs la croste e si lu taie a cuadreluts"
gjavât fûr di "El lunis di Titute Lalele" di Arturo Feruglio
"l'umidum al veve sglonfât i mûrs come biscots tocjâts tal lat, cualchi croste di piture a resisteve al so puest, chês altris a criçavin sot lis scarpis"
gjavât fûr di "La salamandrie tal fûc" di Carlo Tolazzi
"mieç Friûl al à i siei orts indurmidîts sot la prime croste di glace"
gjavât fûr di "Ort e cusine" di Emilia Baldassarre
croste s.f.
(cros-te)
Sanc o materie che si secje suntune superficie organiche, spec. suntune feride o suntune lesion
esemplis
"lu clamavin Vigji Puinte par vie che i plaseve di bevi. Al veve la muse cu lis crostis ruanis parsore"
gjavât fûr di "Amîs come prime" di Alan Brusini
croste s.f.
(cros-te)
Esclamazion blasfeme (fig.)
sinonims
blesteme, corpo, corponon, mocul, porco, porcon, sango
esemplis
"il vieli Bastian al tirà jù une altre croste"
gjavât fûr di "Trê feminis" di Gianni Gregoricchio
"se doman il to camion nol vûl partî, tu tachis a porconâ, come se lis crostis a fossin un bon carburant"
gjavât fûr di "Lis predicjis dal muini" di Josef Marchet
"tal discori al molave jù ogni peraule une blesteme… crostis di chilo di fâ dreçâ i cjavei"
gjavât fûr di "11 di Fevrâr 1929" di Pieri Somede dai Marcs
croste s.f.
(cros-te)
Bote fuarte (fig.)
sinonims
bote, sgnesule, pache, legnade, vuadolade, tonade
esemplis
"l'à poiât un pît sui dincj de sieste [dal ristiel]; di man vuarde, al si drece sù il mani in pîts e i mole une croste tal nâs"
gjavât fûr di "Al marcjât di Vile" di Luigi Gortani
"par fâlu confessâ, intant che un lu inceave cuntune lampade, chel altri i dave jù crostis"
gjavât fûr di "L'om che al pierdeve pinsîrs pe strade" di Fabian Ros
detulis
"chês che a mangjin crostis e lat, no cjataran un biel fantat"
"il pan dai altris, chel plui bon, al à siet crostis e chel plui dûr ind à nûf"
"il pan dai parons al à siet crostis"
"il pan di servî al à siet crostis e bisugne rompi i dincj par mangjâlu"
"ogni pan al à la sô croste"
"pan di paron al à siet crostis e un croston"
torne sù