Hai cercato la parola
monolingue
Torna indietro

monolingue

cuadrât s.m.
(cua-drât)
(gjeom.) Figure plane cun cuatri lâts e i cuatri angui compagns
esempi
"i pampagai a san ricognossi ogjets diferents, come par esempli triangui, cuadrâts, cerclis, in plui a ricognossin une serie di colôrs diferents"
da "La evoluzion dal cerviel e de cussience tai vertebrâts" di Franc Fari
cuadrât s.m.
(cua-drât)
[TS] (mat.) Prodot che si à moltiplicant un numar o une grandece par se stesse
esempi
" i fîi dulà che e passe la corint eletriche si scjaldin e a burissin fûr potence di riscjaldament proporzionâl al cuadrât de intensitât"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
cuadrât adi.
(cua-drât)
[TS] (metrol.) Di misure, considerade te estension su dôs dimensions par misurâ une superficie
sinonimi
cuadri
esempi
"il "tugurio", di fat, nol e di trê metros cuadrâts, ma di trê par trê, ven a stâi nûf metros cuadrâts"
da "Dopo 50 agns lavôr ancjemò" di Riedo Pup
"30 gnovis coloniis e protetorâts, 10 milions di miis cuadradis di gnûf teritori e 120 milions di individuis sometûts"
da "La Afriche e mûr" di Renzo Balzan
cuadrât adi.
(cua-drât)
Di cuarp o part dal cuarp, larc e robust (fig.)
sinonimi
tressât, cuadri
esempi
"sec, bassot ma ben cuadrât, al jere un pôc ingobât dal lavôr e dal pês dai agns"
da "Il gno prin mestri" di Pieri Somede dai Marcs
"spalis plui cuadradis di un armaron cjargnel"
da "Il eroi dal dì" di Jaio Furlanâr
cuadrât adi.
(cua-drât)
Razionâl e salt, in câs ancje masse razionâl e salt (fig.)
sinonimi
cuadri
esempi
"Simone al è une vore cuadrât, l'element plui tecnic dal grup"
da "Anime di grave, interviste dople cun Luca e Marco, protagonist e regjist dal docufilm “JNK oltri la ultime frontiere”" di Christian Romanin
cuadrât s.m.
(cua-drât)
[TS] (ecl.) Barete di predi cun cuatri alutis a scuare
esempi
"i predis normâi e àn la tonie nere e il cjapiel taront neri; i bonsignôrs e àn la vieste nere filetade in ros o la vieste rosse ma cence manteline, o la vieste rosse cul cuadrât neri e il çuf ros"
da "La fabriche dai predis" di Antoni Beline
Torna in Cima