SuperDizionari

cualchi adi.indef.
(cual-chi)

Dome sing., par indicâ une cuantitât numerabile no dite di un precîs ma no tant grande

esemplis

"te stazion di Milan ta chei agns si veve dispès cualchi intart, e i ferovîrs no rivavin dibot mai a mantignî ce che a disevin i tabelons stampâts"

gjavât fûr di "In viaç di domenie" di Agnul di Spere

"si sintivin contents e a tornavin dentri, dulà che ju spietave alc di cene e cualchi ore di sium"

gjavât fûr di "Cjase di Dalban" di Maria Forte

"al spietà un cualchi moment, po al sintì un pas e une vôs di femine"

gjavât fûr di "Il muc" di Roberto Ongaro

cualchi adi.indef.
(cual-chi)

Dome sing., par indicâ une persone o une robe cence identificâle o individuâle di un precîs

esemplis

"al ven di scrupulâ che daûr dal moviment autonomistic dal Friûl cualchi furbat al vebi manovrade la mescule a pueste par semenâ la disconcuardie, e fâ lâ strucje dute la campagne"

gjavât fûr di "Esam di cussience" di Josef Marchet

"bisugnave pûr començâ di cualchi bande. Lâ al cine, a balâ, a spas tai zardins, se si è in dôs si à plui coragjo tal lassâsi butâ la peraule"

gjavât fûr di "Il svindic di Rosute" di Alan Brusini

cualchi adi.indef.
(cual-chi)

Dome sing., denant di un sostantîf che al segne alc di misurabil, par indicâ une grandece, une intensitât, un nivel no precîs, ma no tant piçul

sinonims

ciert

esemplis

"a rispuindin in mût straordenari al lôr compit didascalic, cuntune alegorie semplice e cuntune comunicativitât plui imediade, e ancje cun cualchi valôr stilistic"

gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin

"passâ tescj di une cualchi lungjece par cirî informazions specifichis "

gjavât fûr di "Indicazions pe programazion didatiche curiculâr daûr de leç 482/99" di OLF

monolengâl