Hai cercato la parola
monolingue
Torna indietro

monolingue

cucâ v.tr.
(cu-câ)
Viodi o cjalâ, spec. di lontan o di sorprese o a la svelte o di scuindon o sim. (ancje ass.)
sinonimi
calumâ, lupâ, cjalâ, lumâ, olmâ, vualmâ, viodi, spiâ
esempi
"«Al ven! Al ven!», a sberghelavin ogni tant chei mostacjins: e dute la int e tirave il cuel par cucâ insom de strade"
da "Il figâr dal plevan" di Pieri Menis
""Tuc, tuc." "Cui è là?" "Meni Fari." "Une buine fiube!" al disè Sant Pieri, cucant pe sfese dal porton"
da "Meni Fari" di Luigi Gortani
cucâ v.tr.
(cu-câ)
Cjatâ o cjapâ, ancje di sorprese o cuintri de volontât di cui che al ven cjatât
sinonimi
becâ
esempi
"fermiti un lamp, copari Ustin. Biade la ore che o ti ai cucât! O ai volontât di dîti alc"
da "Lis predicjis dal muini" di Josef Marchet
"se tu vâs a cjace e che tu âs chê di gafâ un agnel, tu ti metis daûr di une cise, tu bebeis, beeeh, beeeh, e chel, pensant che e sedi sô mari, ti ven dongje e tu, sgnaf, tu lu cuchis"
da "Il lôf" di Fabian Ros
cucâ v.intr.
(cu-câ)
Movisi vignint fûr di alc che al taponave, tacâ a jessi viodût (fig.)
sinonimi
dâ sù, vignî sù, vignî fûr
esempi
"al jere Avrîl, che sui prâts a cucavin pestelacs e pinsîrs"
da "Lis predicjis dal muini" di Josef Marchet
"la tiere e mostre la anime scure; nancje une ponte di vert e cuche, nancje un bâr di tale le sbuse"
da "Tite, classe 1924" di Gianfranco Pellegrini
"ma za il soreli, che in levant al cuche, / difûr al è vignût cun dut il nâs"
da "Il lôf" di Pieri Çorut
Torna in Cima