SuperDizionari

monolingue

cuel s.m.

Part dal cuarp che e tache il cjâf cul bust

esempi

"jê ti à un biel cuel scurut e une muse colôr dal piarsul za fat cuntun ros scuron a plen, i lavris come sopis di vin, i cjavei cjapâts tal cocon neris neris"

da "La furlane" di Dolfo Zorzut

"Rita e veve ancjemò intor il vistît di fieste e ator dal cuel un fîl di perlis matis"

da "Prime di sere" di Carlo Sgorlon

"al jere li, tal so jet, distirât cu lis cuviertis tiradis sù fin tal cuel"

da "Cretevierte" di Roberto Ongaro

"sant Pieri, butadis lis bisacjis a cavalot dal cuel, si invià cul baston in man, viers il paîs dai Contents"

da "Contents e malcontents" di Catarine Percude

cuel s.m.

Canâl che al passe il mangjâ par lâ intal stomi e l'aiar par lâ intai polmons

sinonimi

gargat, gose, sgrasaiâr

esempi

"mi dûl intal cuel, no pues gloti"

da "Cui sêstu?" di Laurin Zuan Nardin

"al veva seit, a i sbrissava il vin jù pal cuel tant co aga ta la gorna cuant che a montanea"

da ""Sì che i vevi na marosa"" di Novella Cantarutti

"al veve fevelât di buride cul sangloç tal cuel"

da "Sul agâr" di Pieri Menis

cuel s.m.

Part di un vistiari che e sta intor dal cuel

sinonimi

dacuel, fassete, golet

esempi

"tal indoman Bruno, il capot cul pêl tal cuel e il cjapiel neri di panine, elegant come un milord, si presentà in Bancje"

da "Ombris tal infinît" di Carlo Sgorlon

"intant mê agne Catine e à tacât a cusî cuei di cjamesis cu la sô machignute a man"

da "Insumiâmi di Buie" di Nadia Pauluzzo

cuel s.m.

Part dulà che il pît si articole cu la gjambe

sinonimi

cuel dal pît, cjavile

cuel s.m.

Part de scarpe che e sta intor dal cuel dal pît

cuel s.m.

Part plui strente e slungjade di cualchi alc

esempi

"ogni tant a ficjavin in bocje il cuel di un fiasc e a trincavin un glutart che nol finive plui"

da "Prime di sere" di Carlo Sgorlon

proverbi

"cui che al à il cuel grues che nol mincjoni cui che al à la gose"

"cui che al è usât a stâ picjât no i dûl il cuel"

"cui che si maride pai bêçs si picje pal cuel"

"Sant Blâs e sante blasiole che a preservin il cuel cun dute la gole"

Torna in Cima