Hai cercato la parola
monolingue
Torna indietro

monolingue

cueste s.f.
(cues-te)
Ognidun dai vues placs, luncs e arcâts che a formin la casse dal stomi
esempi
"al jere colât di une impalcadure di cjase. Si veve rot il bacin e un pâr di cuestis"
da "Tal ospedâl" di Amedeo Giacomini
cueste s.f.
(cues-te)
Part dal cuarp che e corispuint ai flancs de casse dal stomi, massime in espressions figuradis
esempi
"une altre creature si nudrive tes cuestis de sô biade Ane"
da ""Nocent"" di Maria Forte
cueste s.f.
(cues-te)
Tai di bestie maçade, massime dal purcit, fat dai vues des cuestis e de cjar che a àn intor
esempi
"un regalut pal avocat, viodial, vin purcitât îr l'altri, un biel toc di cueste e une file di luianiis"
da "L'avocat e la luianie" di Pieri Somede dai Marcs
cueste s.f.
(cues-te)
[TS] (bot.) Gnervadure centrâl de fuee
cueste s.f.
(cues-te)
Gjambe buine di mangjâ di cualchi verdure
esempi
"comprâ spinaze e cualchi cueste di blede"
cueste s.f.
(cues-te)
Bande di un libri, formade dal fîl des pagjinis sieradis
esempi
"il frut al scriveve, pleât parsore i libris, e ogni tant al disfueave un libron che al veve lis cuestis miezis blancjis e miezis rossis"
da "Prime di sere" di Carlo Sgorlon
cueste s.f.
(cues-te)
(tess.) Rilêf che si forme tun tiessût in graciis di une urdidure particolâr
esempi
"un pâr di bregons a cuestis"
cueste s.f.
(cues-te)
Teren in pendence
sinonimi
rive, cleve, pale, rivâl
esempi
"doi pelegrins a viazavin cun ande strache, marcant pas dopo pas, planc a planc, su la cueste di chê mont brustulide"
da "Il Lâc di Cjavaç" di Josef Cjargnel
"tant plui che a erin rivâts da pît da mont e che bisugnave scomençâ a cjapâ sù la cueste biel plan"
da "Il matescul di Cjabie" di Luigi Gortani
"i na sai pi dulà che a passin i cunfins da la cjera dai Indrîcs: a corevin par lunc e par traviers via pa li parts pi largji da la mont, a cjapavin drenti li pi bieli cuesti in recès fissi di vîts e di melârs"
da "I cunfins" di Novella Cantarutti
cueste s.f.
(cues-te)
Zone di tiere ferme che e je dongje dal mâr
sinonimi
lît, litorâl, marine, ôr, rive, splaze, rasule
esempi
"cueste rimpinide"
"la centrâl di Fukushima Dai-ichi [...] si cjate dongje de citât di Okuma, su la cueste nordorientâl dal Gjapon"
da "Il disastri de centrâl nucleâr di Fukushima Dai-ichi" di Alessandro Pascolini
"il tren al cor sù pal stivâl di Italie, sfrissant la cueste tireniche"
da "Memoriis di politiche linguistiche" di Adrian Cescje
"par turisim si sielzeve la Cjargne; e par fâ la cjase si sielzeve il Friûl des culinis, dai flums, des citâts bielis come paîs. La cueste dal mâr, e jere palût"
da "I furlans e il mâr" di Riedo Pup
cueste s.f.
(cues-te)
(arch.) Element costrutîf doprât tai volts formât di gnervaduris che a dan fûr in rilêf
esempi
"une abside cuadrade cun volt a crosere e velis dividudis di cuestis pituradis a fresc daûr dal ûs dai tumiecins"
da "Cjavalì - Glesie di Sant Lenart" di Aministrazion Publiche
cueste s.f.
(cues-te)
Origjin, divignince familiâr (fig.)
esempi
"no si po migo pretindi di jessi ducj nassûts intune cueste di re"
da "Cjase di fitâ" di Pieri Somede dai Marcs
proverbi
"il mâl dai altris no i juste lis cuestis a dinissun"
Torna in Cima