Hai cercato la parola
monolingue
Torna indietro

monolingue

cuistâ v.tr.
(cuis-tâ)
Rivâ a otignî, massime paiant
sinonimi
cjoli, comprâ, cjapâ
esempi
"o i miei antenâts no son stâts bogns di nuie, nancje di cuistâ un cjamp in cuatricent agns, o che invezit i vuestris antenâts a son stâts piês di cudicj e par cuatri secui ur àn tignût il pît sul cuel "
da "I furlans e i parons" di Riedo Pup
"e decidè di cuistâ une vecje cjase dilunc dal flum"
da "Ombris tal infinît" di Carlo Sgorlon
Vedi anche: acuistâ
cuistâ v.tr.
(cuis-tâ)
Rivâ a vê o tacâ a vê ancje alc di no materiâl (fig.)
sinonimi
cjapâ, cjapâ sù, tirâ sù, vuadagnâ, cjoli
esempi
"emargjinât di fat pal so anticonformisim eclesiastic e politic (nol jere un predi democristian come che a jerin cuasi ducj, par capîsi) pre Checo al cuistà rispiet e impuartance in gracie dal partît autonomist che al veve ancje lui fondât"
da "Memoriis di politiche linguistiche" di Adrian Cescje
"cul Patriarcjât di Aquilee, che lu controlà fin dal 1077, Vençon al cuistà une posizion simpri plui impuartante sedi di vuardie e control sedi pai trafics comerciâi"
da "La culine furlane" di Luigina Di Giusto, Andrea Guaran e Mauro Pascolini
"l'ordenament politic dal Friûl tra il Dusinte e il Tresinte al cuistà une sô forme"
da "Cuintristorie dal Friûl fin sot la Italie" di Josef Marchet
cuistâ v.tr.
(cuis-tâ)
Rivâ a tirâ de sô bande, a leâ tun rapuart
sinonimi
concuistâ, cuistâsi, vuadagnâ, vuadagnâsi
esempi
"il mulin invezit di pierdi al cuistave aventôrs"
da "La mulinarie" di Catarine Percude
cuistâ v.tr.
(cuis-tâ)
Permeti di vê
esempi
""Jo no crôt che il Duce al vedi fat mâl a la Italie. Al à fat lis bonifichis Pontinis, la bataie dal forment, al à cuistât un imperi a la Italie [...]" "
da "Il muc" di Roberto Ongaro
"ogni zornade e zovave cumò a cuistâi il so spirt e a jevâlu sù impins"
da "Storie di Min" di Ivano Urli
cuistâ v.intr.
(cuis-tâ)
Lâ in miôr (fig.)
sinonimi
vuadagnâ, cressi
esempi
"la mancjance di perfezion che tu sintis dentri e fûr di te ti fevele e ti fâs capî che al esist un perfet che a nol po cuistâ o pierdi, che a nol po scomparî"
da "Vieri e gnûf" di Pieri Piçul
"cul cambi di alenadôr la scuadre e à cuistât in sigurece"
proverbi
"a dî ben si cuiste simpri"
"cui che al cuiste nol regale"
"cul fâ plasês tu cuistis amîs, cul dî il vêr nemîs"
"il timp che si piert no si lu cuiste mai"
"l'om franc si cuiste la stime di ognidun"
"l'om sincîr si cuiste la stime di ognidun"
"la robe ce i zovie al ignorant se nol po cuistâ il savê"
"no si cuiste la nobiltât nassint, ma ben vivint"
"no si cuiste la nobiltât nassint, ma degnementri vivint"
"se tu fasis debits tu cuistis parons, se tu fasis credits tu pierdis amîs"
Torna in Cima