SuperDizionari

curiôs adi., s.m.
(cu-ri-ôs)

Che, cui che al à gole di savê, massime pal so gust o par peteçâ

sinonims

atent, furcjumit, furighin, interessât, scrusignot

esemplis

"o jeri une vore curiôs e o soi jentrât par viodi se la tô descrizion e jere juste"

gjavât fûr di "Ricuarts e inlusions" di Enrico Martina

"il frut le cjalave dute cul voli curiôs come par induvinâ alc"

gjavât fûr di "La aghe da pît la cleve" di Dino Virgili

"di glesie jessin fûr fra sbârs e ucadis / circondâts dai curiôs, che impazients / spietin la gnot par fâ lis lôr buladis"

gjavât fûr di "La sdrondenade" di Pieri Çorut

curiôs adi.
(cu-ri-ôs)

Che al fâs vignî voie di savê di plui

esemplis

"al è curiôs il fat che il sacut amniotic par furlan e in putropis lenghis al sedi calcolât propit tant che un vistît (par esempli cjamese par furlan e par talian, scufe par inglês e francês), il vistît che un al à intor prime di nassi"

gjavât fûr di "Jenfri vîfs e muarts" di Sandri Carrozzo

curiôs adi.
(cu-ri-ôs)

Che al è fûr dal ordenari, che nol è normâl

sinonims

balçan, baroc, buf, ecentric, estrôs, fûr dal vade, maturli, murlac, origjinâl, reful, ridicul, singolâr, strambalât, strani, particolâr, stramp

esemplis

"tal 2001, al Premi Friûl, al à partecipât parfin un grup inglês, che al à presentât un toc par furlan, Fat ancjemò plui curiôs, l'autôr e cjantant al è un zovin inglês studiôs di lenghis romanzis"

gjavât fûr di "Un Friûl difarent: i 90 mhz di Onde Furlane" di Max Mauro

"si emozionave di metisi a vaî tant che un disperât. Propit une robe curiose tun om cussì salt e ruspi"

gjavât fûr di "Par stradis lungjis" di Alan Brusini

monolengâl