SuperDizionari

dâ di volte loc.v.

Voltâ o svoltâ o voltâsi, cambiâ di bande o di direzion

esemplis

"i soldâts dan di volte e tornin indaûr pa strade di prime"

gjavât fûr di "La corodele tradìs sant Pieri" di Dolfo Zorzut

dâ di volte loc.v.

Dal vin, lâ di mâl, deventâ asêt

sinonims

lâ in asêt, infuartî, infuartîsi, sviersâsi

esemplis

"il lat, lassât cuiet, / al va in scuete biel sclet, / al va in asêt e al da di volte il vin, / il len che si fraidìs al va in patùs"

gjavât fûr di "Metempsicosi" di Zaneto

dâ di volte loc.v.

Deventâ mat (fig.)

sinonims

deventâ mat, lâ ator, lâ ator cul cjâf, lâ fûr cui sintiments, lâ vie di cjâf, voltâsi di cassele, voltâsi di cjâf, dâ i numars, dâ fûr di mat, dâ di volte il cerviel

esemplis

"il nono al pie la forcje… "Nono, scolte!" sberlìn noaltris "fermiti!" Puar vecjo al tirave doi voi che nus pareve che za al ves dât di volte"

gjavât fûr di "La signorine Mie" di Emilio Nardini

monolengâl