Hai cercato la parola
monolingue
Torna indietro

monolingue

dâ fûr loc.v.
Fâ jessî alc
sinonimi
butâ, mandâ fûr, mandâ
esempi
"la aria [...] jera plena de la umiditât che il gran al veva dât fûr"
da "Il me paîs" di Federigo Comelli
dâ fûr loc.v.
Fâ vignî fûr une publicazion, un prodot e v.i.
esempi
"al è un intervent impuartant parcè che al è il prin messaç indreçât a Pieri Pauli Pasolini, che al veve tacât in chei mês dal 1946 a dâ fûr il Stroligut de sô Academiute"
da "Felix Marchi e il sium dal furlan-furlan" di Max Mauro
dâ fûr loc.v.
Fâ un sun o dî cun fuarce, cun enfasi, cun empit e v.i.
sinonimi
dî fûr, dâ sù
esempi
"fâ ogni sfuarç par no dâ fûr un sclop da ridi"
da "Sot consei di vuere" di Giovanni Gortani
"lui al jere deventât blanc e al jere par dâ fûr intune vosade"
da "Trê feminis" di Gianni Gregoricchio
dâ fûr loc.v.
Spudâ fûr pe bocje ce che si veve tal stomi
sinonimi
gomitâ, rindi, fâ i purcituts, fâ stomi, restituî, rimeti, rindi fûr, butâ fûr
esempi
""Al volarès bevi. Al dîs che al mûr di sêt; al è normâl daspò de duarmie, ma no si po contentâlu: al starès mâl, al darès fûr dut…""
da "Tal ospedâl" di Amedeo Giacomini
dâ fûr loc.v.
Vendi o dâ alc a plui personis
esempi
"il vinut che a dan fûr nol è cussì mâl, crodimi! Vûstu un blancut?"
da "Donald dal Tiliment" di Stiefin Morat
"intant che il speziâr al deve fûr lis medisinis, al tosseve vonde dispès"
da "Amîs come prime" di Alan Brusini
"Vigji Brustul [...] al à vût dit [...] che jo, se o ves un grignel di cussience, o varès di dâ fûr chei carantans che mi son vignûts cui sa dontri, ai puars proletaris dal paîs"
da "Lis predicjis dal muini" di Josef Marchet
dâ fûr loc.v.
Paiâ
sinonimi
paiâ, dâ, spudâ fûr, spiça fûr, tirâ fûr
esempi
"l'è condanât Zanin / a dâ fûr un zechin, / a paiâ dans e spesis sul moment"
da "Bolzan e la sô sagre" di Pieri Çorut
dâ fûr loc.v.
Saltâ fûr, vignî fûr
sinonimi
vignî fûr, saltâ fûr, vignî
esempi
"e si alce la lune, / lis stelis dan fûr; / content il mio cûr, / fedêl e costant, / al spiete l'amant"
da "Pes gnocis Latis-Venture" di Pieri Çorut
"usâts a doprâ il fusîl di cuant che ur veve dât fûr la prime barbe"
da "Il dolfin" di Carlo Sgorlon
"come torent, / che sglonfât des montanis tun moment, / sormontâts i ripârs, / par ogni bande / al da fûr pe campagne"
da "Il nestri dolôr in muart dal Arcivescul Zacarie Bricito" di Pieri Çorut
dâ fûr loc.v.
Rivâ a fâ alc (ancje ass.)
sinonimi
rivâ, rivâ adore, cumbinâ
esempi
"al veve i siei doi fîs in vuere e no i dave fûr a lavorâ la tiare dome cu la femine e une frutate che al veve"
da "I piavots, Titon e la spagnole" di Alviero Negro
Torna in Cima