Hai cercato la parola
monolingue
Torna indietro

monolingue

dâsi dongje loc.v.
Di plui elements, materiâi o imateriâi, svicinâsi, cjatâsi o jessi insiemi
sinonimi
dâsi adun, riunîsi, cjatâsi, tirâsi adun, tirâsi dongje
esempi
"ogni dì dopo gustât, si devin dongje un cjap di feminis"
da "Sot il puarti" di Pieri Menis
"e sunave la cjampane e ducj i «vicins» si davin dongje sot il tei a tratâ in libertât e paritât i lôr afârs"
da "La aghe da pît la cleve" di Dino Virgili
"al è chest un dai elements che biel planc si dan dongje tal pinsîr telinian par definî in mût graduâl une vision li che il Friûl, dongje di chês altris tieris individuadis di plui linguiscj tant che ladinis, al è ricognossût tant che comunitât nazionâl"
da "Lidrîs dal pinsîr autonomist" di Donato Toffoli
dâsi dongje loc.v.
Lâ un plui dongje di chel altri o tirâ dongje i propris elements cul risultât di jessi plui fis, di cjapâ mancul puest
esempi
"si podeve viodi la lungje code di int che e rivave, man a man e si dave dongje tant che un fol di armoniche cuant che si siere te ultime sfladade"
da "Cretevierte" di Roberto Ongaro
dâsi dongje loc.v.
Jessi o tacâ a jessi intune relazion sentimentâl o sessuâl
sinonimi
metisi, compagnâsi, tirâsi dongje
esempi
"al è lât in Americhe e si è dât dongje cuntune spagnole"
da "I verbi analitici in friulano" di Federico Vicario
dâsi dongje loc.v.
Unîsi o coordenâsi cuntun altri element, materiâl o imateriâl, soredut par une cierte finalitât, cuntune cierte armonie
sinonimi
dâsi adun, unîsi, associâsi, cumbinâsi, organizâsi
esempi
"lis provinciis che a vuelin, al fin di valorizâ la coesion teritoriâl, sociâl e economiche de comunitât regjonâl, a puedin dâsi dongje e consociâsi par puartâ indenant cun plui profit il coordenament, l'indreçament e la progjetazion pe tutele e pe valorizazion de identitât linguistiche e culturâl"
da "Di ca e di là de aghe" di Antoni Beline
"la Republiche di Vignesie si cjate denant di une coalizion di stâts che si son dâts dongje inte Leghe di Cambrai"
da "Il Friûl de Joibe Grasse dal 1511" di Carli Pup
dâsi dongje loc.v.
Di alc che al è o che in cualchi maniere si pues calcolâ componût di plui elements o detais, tacâ a esisti, cjapâ consistence
sinonimi
dâsi adun
esempi
"intant, un timp plen di sconfuart si dave dongje"
da ""Nocent"" di Maria Forte
"al sintive a dâsi dongje un temporâl, une tampieste"
da "Chei di Muraie" di Pieri Menis
"tal so cjâf al lave dantsi dongje dut il dissen infernâl che il malvivent al veve studiât"
da "Cretevierte" di Roberto Ongaro
dâsi dongje loc.v.
Lâ a vore tun puest, tune dite e v.i., insiemi cun altris
esempi
"undis, dodis agns, Min si da dongje ae fornâs di Nardon a Terençan"
da "Storie di Min" di Ivano Urli
dâsi dongje loc.v.
Fâ alc par se
sinonimi
fâsi
esempi
"brave come che e jere di cusî, si dave dongje, simpri, cualchi vistît par lâ a balâ"
da "La fie çuete" di Maria Forte
Torna in Cima