Hai cercato la parola
monolingue
Torna indietro

monolingue

denant av., prep., adi.inv.
(de-nant)
De bande o te direzion che si cjale o che si va
sinonimi
devant, indevant, indenant, par devant, par denant, devant di, denant di
esempi
"siôr Agnul al segnà une crôs, par tiere, cul stombli de scorie, propit denant dai cjavai, cuant che a stavin par partî"
da "Cjase di Dalban" di Maria Forte
"Tonin e Vigjut denant, la mame e il papà daûr, a levin jù pe strade dal mulinat"
da "Nadâl ancje par Gjelmin" di Pieri Menis
"al scomence a tirâ vie la tiere cu lis talpis denant e po al tache a baiâ"
da "Mariutine e i omenuts dal timp" di Gloria Angeli
Vedi anche: nant, inant, inants, denants
denant av., prep., adi.inv.
(de-nant)
Inte part anteriôr di alc
sinonimi
devant
esempi
"il camion di Vera e dal Nino lu vuidin doi neris, cul casselot plen di talians, ma i vuidadôrs si inacuarzin che Vera e spiete, e cussì i fasin di mot che si senti denant cun lôr doi"
da "Storie di Vera" di Ivano Urli
denant av., prep., adi.
(de-nant)
Intune posizion precedente
sinonimi
devant, par devant, par denant, prime, prin, devant di, denant di, prime di, prin di
esempi
"stant che une vore di varietâts che a cognossin lis vocâls lungjis no 'nd àn denant di -r finâl in putropis peraulis, o vin decidût di stabilî une grafie buine par ducj, segnant lis lungjis ta cheste posizion nome cuant che a son gjenerâls "
da "La grafie furlane normalizade – Introduzion" di Xavier Lamuela
denant av., prep., adi.inv.
(de-nant)
Plui dongje e plui in viste rispiet a alc altri
sinonimi
devant, devant di, denant di
esempi
"altris paîs di là de flumere: piçadis di cjasis grimpadis te jerbe o, ancje, distiradis denant di grops di arbui"
da "Ricuarts e inlusions" di Enrico Martina
denant av., prep., adi.inv.
(de-nant)
Dongje e in mût di cjalâsi un cun chel altri
sinonimi
di face, di front, in face, cuintri, devant, di face di, di front di, in face di, cuintri di, devant di, denant di
esempi
"e subita la rigjina da aganis a sta denant da Catinuta e la cjala fissa tai voi"
da "Catinuta" di Ugo Pellis
denant av., prep.
(de-nant)
In presince di, inte situazion di vê di frontâ alc o cdn.
sinonimi
devant, denant di, devant di
esempi
"tropis voltis si isal cjatât a fâ i conts cu la morâl e la etiche denant de muart?"
da "Interviste a Amato De Monte" di Christian Romanin
"no si rive a voltâ la muse se si à denant une femine cussì"
da "Te vuate" di Michele Vuardianut Calligaris
"costret a presentâsi une altre volte denant dal Tribunâl di Udin"
da "Madalene" di Franco Marchetta
denant av., prep., adi.inv.
(de-nant)
In posizion plui alte, impuartante e v.i. intune jerarchie, classifiche, scjale di valôrs e v.i.
sinonimi
prin, prin di, prime, prime di, devant, devant di, denant di
esempi
"il prin in classifiche al è devant dal secont par cuatri ponts"
denant av., prep., adi.inv.
(de-nant)
Tun moment precedent, prime inte sucession temporâl
sinonimi
prin, prin di, prime, prime di, devant, devant di, denant di
esempi
"a era usada a no levâ na fuea e nencja a imbastî na pensada denant domandâi a jê che a era la pi vecja"
da "Li Anzuliti" di Novella Cantarutti
"li di siore Lise al jere stât un grant dafâ. Cualchi dì denant, dut un navigo par lustrâ la cjase"
da "Cjase di Dalban" di Maria Forte
"o savevi che lis robis no saressin mai tornadis come denant"
da "Il dolfin" di Carlo Sgorlon
"in chei dîs, denant Nadâl, nissun començave un gnûf lavôr"
da "Il pignarûl" di Pieri Menis
denant av.
(de-nant)
In prospetive, tal futûr
esempi
"se o vessin timp denant e no fossin in ritart rispiet a chei altris moviments autonomiscj in Italie, o podaressin lassâ timp al timp"
da "Memoriis di politiche linguistiche" di Adrian Cescje
denant av.
(de-nant)
Cun preference, plui vulintîr
sinonimi
pitost, prin, prime, devant
esempi
"se si à di fâ chês codis in machine par lâ al mâr, denant o resti a cjase"
proverbi
"a tignî i dincj denant de lenghe, al è simpri un bon consei"
"al vâl plui un lusôr denant che no cent daûr"
"cui che al fâs il cont denant l'ostîr lu fâs dôs voltis"
"denant da la ore ni che si nas ni che si mûr"
"denant da la ore no si po ni nassi ni murî"
"denant di maridâsi al pâr che al mancji alc, daspò al mancje dut"
"la nêf denant Nadâl e dure tant che l'açâl"
"la nêf denant Nadâl e fâs solâr"
"miôr i çafs daûr che no i predis denant"
"no bisugne meti il cjar denant dai bûs"
"scove denant de tô puarte"
"se a disin par denant, si sa difindisi; se a disin par daûr, i disin al cûl"
Torna in Cima