Tu âs cirût la peraule
monolengâl
torne indaûr

monolengâl

di prep.
Preposizio semplice o articolade, e introdûs diviers complements e che si pues cumbinâ cun altris parts dal discors, ancje dopo di altris preposizions
esemplis
"un atestât dal municipi firmât dal Sindic"
gjavât fûr di "La aghe da pît la cleve" di Dino Virgili
"cussì i fîs dai fîs , dividûts dai curtîi, a forin, dopo, come forescj e cence parintât"
gjavât fûr di "I arcs" di Maria Forte
"Gotfrît, Volfgar e Pertolt di Andechs a forin simpri cui imperadôrs de cjase di Svevie"
gjavât fûr di "Cuintristorie dal Friûl fin sot la Italie" di Josef Marchet
"lis moraradis des stradis di campagne"
gjavât fûr di "Cjase di Dalban" di Maria Forte
di prep.
Par introdusi un complement di specificazion
esemplis
"il bonodôr de polente cuete par dutis lis andronis dai borcs e l'odôr dai biscots denant de fabriche di Delser"
gjavât fûr di "I furlans e la blave" di Riedo Pup
"il colôr dai vistîts si smamive tai sorei de canicule"
gjavât fûr di "I furlans e la mode" di Riedo Pup
di prep.
Par introdusi un complement di cualitât
esemplis
"poete di grande vene, tal 1821 al publicà il [...] "Strolic Furlan", che al vignì fûr fintremai al 1862"
gjavât fûr di "Pieri Çorut" di Roberto Jacovissi
di prep.
Par introdusi un complement di materie
esemplis
"a batin su la cjampane cuntun martiel di len"
gjavât fûr di "Il sun de fieste" di Monika Pascolo
"mi soi passût a cjalâ la grande statue, dute rivistide di aur e di arint"
gjavât fûr di "Sant Jacum, là che al finìs il mont" di Antoni Beline
di prep.
Par introdusi un complement partitîf
sinonims
fra, in, tra
esemplis
"di dutrine a 'nd vevin mastiade pocje"
gjavât fûr di "I furlans e i pecjâts" di Riedo Pup
"di dutis lis organizazions sindicâls, dome la CISAL no à partecipât ae firme dal contrat"
gjavât fûr di "Acuardi firmât pal Compart Unic regjonâl" di Redazion Radio Onde Furlane
di prep.
Par introdusi un complement di limitazion
sinonims
par, in cont di
esemplis
"une fantate a la buine, dolce di cûr"
gjavât fûr di "Il cjâf dai furlans" di Franc Fari
"e tornà biele di muse, come simpri, cun chel riduçâ che i resisteve su la bocje"
gjavât fûr di "Dome la cjampanute di Sant Bortul" di Maria Forte
di prep.
Par introdusi un complement di argoment
sinonims
a rivuart di, in rivuart a, sul cont di
esemplis
"a àn començât a fevelâ di tutele e di difese de lenghe e de culture furlanis ancje i partîts che no si jerin mai çugnâts"
gjavât fûr di "I furlans e lis tabelis" di Riedo Pup
di prep.
Par introdusi une aposizion o un complement predicatîf
sinonims
cuasi, in cualitât di, in funzion di, in lûc di, sicu
esemplis
"Frau di president dal Osservatori al mediave cun ducj e, se al podeve, al contentave ducj, al garantive simpri però che la mediazion e les a pro de lenghe"
gjavât fûr di "Memoriis di politiche linguistiche" di Adrian Cescje
di prep.
Par introdusi un complement di agjent
sinonims
da
esemplis
"cualchi speloc di nûl sgjarpît dal aiar di garbin"
gjavât fûr di "I furlans e il timp" di Riedo Pup
"in tancj a son stâts salvâts des feminis russis"
gjavât fûr di "Cuintristorie dal Nûfcent 1940-1950" di Angelo Floramo
di prep.
Par introdusi un complement di mieç
sinonims
a mieç di, cun, midiant, par
esemplis
"par me se un al fâs un gol cuntun rigôr al pues tirâlu di plat, cul «cucchiaio», di ponte… baste che e vadi dentri"
gjavât fûr di "Interviste a Dino Zoff" di Christian Romanin
di prep.
Par introdusi un complement di moviment, segnant la divignince
sinonims
da
esemplis
"partît di Talmassons a buinorons come il solit, al rivà in vie Zanon prin des vot"
gjavât fûr di "Il mierli" di Angelo Covazzi
di prep.
Par introdusi un complement di origjin
esemplis
"ti darai une letare par un gno amì di Turin"
gjavât fûr di "Int di masnade" di Alviero Negro
di prep.
Par introdusi un complement di cause
esemplis
"o crichi di frêt e di fam"
gjavât fûr di "Storie di Min" di Ivano Urli
di prep.
Par introdusi un complement di fin
sinonims
par
esemplis
"un pâr di scarpis di tenis"
"la machine di lavâ i plats"
"no tu puedis doprâ la ponte di len par sbusâ il mûr"
di prep.
Par introdusi complement di mût o locuzions averbiâls modâls
esemplis
"o varès un apontament une vore impuartant e o scuen lâ di corse"
gjavât fûr di "Eivissa mon amour" di Fabian Ros
"ducj chei fruts che a fasevin casin e a zuiavin di balon chi sot"
gjavât fûr di "La maiute di Zidane" di Maurizio Mattiuzza
di prep.
Inte forme articolade, devant dal numar di un an, al pues introdusi un complement di timp determinât
sinonims
in, ta
esemplis
"dal 1915 o crodevin di lâ a difindisi cuintri la France e cuintri la Inghiltere, parcè che nus vevin insegnât che o jerin sociâts cu la Austrie"
gjavât fûr di "I furlans e lis armis" di Riedo Pup
"Prissilian, un gnostic condanât dal imperadôr par magjie e imoralitât e fat decapitâ dal 386"
gjavât fûr di "Sant Jacum, là che al finìs il mont" di Antoni Beline
di prep.
Cun valôr temporâl par pandi il principi o la durade
esemplis
"di chê volte a son passâts agns e o soi content di podê dî che Visintin al à dimostrât che no vevi reson jo e che [...] e à vinçût la sô passion"
gjavât fûr di "Note dal curadôr ae traduzion dal Infier di Dante" di Sandri Carrozzo
"al è di dôs oris che o spieti"
di prep.
Cun valôr di timp, ancje distributîf
esemplis
"al veve lavorât tai cjamps e tai boscs di dut il paîs, di Istât e di Invier"
gjavât fûr di "Ideis" di Meni Ucel
"ogni tant di domenie al leve al cine"
gjavât fûr di "Il mâl dal tor" di Alan Brusini
di prep.
Cun valôr distributîf
sinonims
su, fra, tra, par, ogni
esemplis
"a son lis cjastinis dutis cul vier, di dîs tu salvis une"
di prep., s.m.
In corelazion cu la prep. "a", par segnâ un limit, sedi di robis materiâls che imateriâls
esemplis
"di Tarvis a Tumieç, di Mont di Crôs a Pladen, di Cjargne a Tarcint e a Cividât e a Gurize, pardut al è proibît fotografâ"
gjavât fûr di "I furlans e la television" di Riedo Pup
"des dôs aes cuatri o soi libar e o podìn viodisi"
"di une colone a chê altre dal porton a son trê metris"
di prep.
Par introdusi il secont tiermin di comparazion
sinonims
che, che no
esemplis
"o cjali chê cjase brute, malinconiche, basse e mâl fabricade, e pûr mi pâr plui biele di cualunche palaç parcè che dentri al è un grant tesaur"
gjavât fûr di "La brût" di Catarine Percude
di prep.
Par introdusi proposizions infinitivis
di prep.
Devant di averbis, adietîfs, participis, sostantîfs al pues introdusi ancje subordenadis no infinitivis
torne sù