SuperDizionari

su prep.

In posizion plui ad alt rispiet a alc, in gjenar cun contat

sinonims

daprûf di, parsore, sore, su di, sù par, vie

esemplis

"difûr al neveave a grancj flocs blancs e la nêf si ingrumave sui cuvierts"

gjavât fûr di "Nadâl ancje par Gjelmin" di Pieri Menis

"lis cjartis di zûc a restarin sparniçadis e fermis su la taule"

gjavât fûr di "Cjase di Dalban" di Maria Forte

"si steve cussì benon noaltris li tal cjaldut sentâts sun chê bancjone tal puarte fûr di nape"

gjavât fûr di "No je plui vive" di Dolfo Zorzut

"si inviave [...] la «Fieste dai roncs» suntun cuel dai plui biei di Biliris e duncje dai miôrs dal Friûl"

gjavât fûr di "La "Fieste dai Roncs"" di Meni Ucel

Viôt ancje: sun

su prep.

Par pandi une determinazion di moviment viers di un lûc, cun riferiment a une part che e je adalt o ancje in maniere gjeneriche

sinonims

intor, parsore, sore

esemplis

"a cutuardis agns, cuant che al scuvierzeve il gust di lâ in mont, al leve sù sul Mangart cence nissune fadie"

gjavât fûr di "Faliscjis" di Cristina Noacco

"il frêt al rive di sere co al ven jù de mont e al plombe sul paîs"

gjavât fûr di "I forescj" di Alan Brusini, Gian Paolo Linda

"al rivà su la puarte e al batè, malsigûr"

gjavât fûr di "Rosaris" di Meni Ucel

su prep.

Par introdusi un argoment

sinonims

a rivuart di, in rivuart a, sul cont di

esemplis

"o ai scugnût domandâ perdon di vê scrit cualchi rie sui predis"

gjavât fûr di "Rispueste: cjalâ e tasê" di Riedo Pup

"o soi lât in Americhe Latine; o soi tornât e o ai scomençât a publicâ i prins articui sul gno viaç"

gjavât fûr di "Interviste a Toni Capuozzo" di Oscar Puntel

su prep.

Par pandi un timp, une cuantitât, une misure e v.i., cun idee di aprossimazion

esemplis

"e jere une zornade sul finî dal Invier, cul cîl celestin e il soreglut che al tacave a fâsi sinti"

gjavât fûr di "Il muc" di Roberto Ongaro

"al jere compagnât di sô fie, une zovine ben metude sui vincj agns"

gjavât fûr di "Interès malandret" di Pieri Somede dai Marcs

"un argagn dut di fier, ancje lis ruedis che al varà pesât sul cuintâl"

gjavât fûr di "Amîs come prime" di Alan Brusini

su prep.

Cun valôr distributîf

esemplis

"une pussibilitât su cent milions! Ma al è sucedût"

gjavât fûr di "Trê feminis" di Gianni Gregoricchio

"Florean al comande nome mieze Basse, ven a stâi un afâr su doi, une pirule su dôs e vie indenant"

gjavât fûr di "Donald dal Tiliment" di Stiefin Morat

su prep.

Denant di un numar denominadôr di une frazion

esemplis

"trê su nûf al è come un su trê"

su prep.

Par segnâ ripetizion, bondance

esemplis

"un che al veve scrit libris su libris e che al faseve di consulent al mont politic e finanziari"

gjavât fûr di "L'om che al pierdeve pinsîrs pe strade" di Fabian Ros

su prep.

Par segnâ fadie, sfuarç, dam e v.i.

esemplis

"lu ai sintût jo a zigâ inte sale che e jere ore di finîle, che a vevin mangjât avonde sui puars"

gjavât fûr di "Int di masnade" di Alviero Negro

su prep.

Par introdusi un obiet logjic

esemplis

"Geneviève e tornave a spandi dulintor chel morbin e chê atrative che e veve tant efiet sui fantats"

gjavât fûr di "Il dolfin" di Carlo Sgorlon

su prep.

Par introdusi ancje altris complements, par es. di mût, cause e v.i.

esemplis

"a nal veva ne che al veva mai vût mudi fati su la sô misura"

gjavât fûr di "Torero" di Novella Cantarutti

"e li sun doi pîts, tic e tac, o vin sierât l'afâr"

gjavât fûr di "Jo, evasôr fiscâl" di Riedo Pup

"o jeri jentrât te direzion dal Moviment Friûl tal Sorinvier dal 1970, par cooptazion, su propueste di pre Checo Placerean"

gjavât fûr di "Memoriis di politiche linguistiche" di Adrian Cescje

su prep.

[TS] (logj.) Tes funzions, par indicâ il cjamp di definizion de aplicazion

esemplis

"1/x e je definide su dut il cjamp reâl gjavât 0"

monolengâl