Hai cercato la parola
monolingue
Torna indietro

monolingue

di prep.
Preposizio semplice o articolade, e introdûs diviers complements e che si pues cumbinâ cun altris parts dal discors, ancje dopo di altris preposizions
esempi
"un atestât dal municipi firmât dal Sindic"
da "La aghe da pît la cleve" di Dino Virgili
"cussì i fîs dai fîs , dividûts dai curtîi, a forin, dopo, come forescj e cence parintât"
da "I arcs" di Maria Forte
"Gotfrît, Volfgar e Pertolt di Andechs a forin simpri cui imperadôrs de cjase di Svevie"
da "Cuintristorie dal Friûl fin sot la Italie" di Josef Marchet
"lis moraradis des stradis di campagne"
da "Cjase di Dalban" di Maria Forte
di prep.
Par introdusi un complement di specificazion
esempi
"il bonodôr de polente cuete par dutis lis andronis dai borcs e l'odôr dai biscots denant de fabriche di Delser"
da "I furlans e la blave" di Riedo Pup
"il colôr dai vistîts si smamive tai sorei de canicule"
da "I furlans e la mode" di Riedo Pup
di prep.
Par introdusi un complement di cualitât
esempi
"poete di grande vene, tal 1821 al publicà il [...] "Strolic Furlan", che al vignì fûr fintremai al 1862"
da "Pieri Çorut" di Roberto Jacovissi
di prep.
Par introdusi un complement di materie
esempi
"a batin su la cjampane cuntun martiel di len"
da "Il sun de fieste" di Monika Pascolo
"mi soi passût a cjalâ la grande statue, dute rivistide di aur e di arint"
da "Sant Jacum, là che al finìs il mont" di Antoni Beline
di prep.
Par introdusi un complement partitîf
sinonimi
fra, in, tra
esempi
"di dutrine a 'nd vevin mastiade pocje"
da "I furlans e i pecjâts" di Riedo Pup
"di dutis lis organizazions sindicâls, dome la CISAL no à partecipât ae firme dal contrat"
da "Acuardi firmât pal Compart Unic regjonâl" di Redazion Radio Onde Furlane
di prep.
Par introdusi un complement di limitazion
sinonimi
par, in cont di
esempi
"une fantate a la buine, dolce di cûr"
da "Il cjâf dai furlans" di Franc Fari
"e tornà biele di muse, come simpri, cun chel riduçâ che i resisteve su la bocje"
da "Dome la cjampanute di Sant Bortul" di Maria Forte
di prep.
Par introdusi un complement di argoment
sinonimi
a rivuart di, in rivuart a, sul cont di
esempi
"a àn començât a fevelâ di tutele e di difese de lenghe e de culture furlanis ancje i partîts che no si jerin mai çugnâts"
da "I furlans e lis tabelis" di Riedo Pup
di prep.
Par introdusi une aposizion o un complement predicatîf
sinonimi
cuasi, in cualitât di, in funzion di, in lûc di, sicu
esempi
"Frau di president dal Osservatori al mediave cun ducj e, se al podeve, al contentave ducj, al garantive simpri però che la mediazion e les a pro de lenghe"
da "Memoriis di politiche linguistiche" di Adrian Cescje
di prep.
Par introdusi un complement di agjent
sinonimi
da
esempi
"cualchi speloc di nûl sgjarpît dal aiar di garbin"
da "I furlans e il timp" di Riedo Pup
"in tancj a son stâts salvâts des feminis russis"
da "Cuintristorie dal Nûfcent 1940-1950" di Angelo Floramo
di prep.
Par introdusi un complement di mieç
sinonimi
a mieç di, cun, midiant, par
esempi
"par me se un al fâs un gol cuntun rigôr al pues tirâlu di plat, cul «cucchiaio», di ponte… baste che e vadi dentri"
da "Interviste a Dino Zoff" di Christian Romanin
di prep.
Par introdusi un complement di moviment, segnant la divignince
sinonimi
da
esempi
"partît di Talmassons a buinorons come il solit, al rivà in vie Zanon prin des vot"
da "Il mierli" di Angelo Covazzi
di prep.
Par introdusi un complement di origjin
esempi
"ti darai une letare par un gno amì di Turin"
da "Int di masnade" di Alviero Negro
di prep.
Par introdusi un complement di cause
esempi
"o crichi di frêt e di fam"
da "Storie di Min" di Ivano Urli
di prep.
Par introdusi un complement di fin
sinonimi
par
esempi
"un pâr di scarpis di tenis"
"la machine di lavâ i plats"
"no tu puedis doprâ la ponte di len par sbusâ il mûr"
di prep.
Par introdusi complement di mût o locuzions averbiâls modâls
esempi
"o varès un apontament une vore impuartant e o scuen lâ di corse"
da "Eivissa mon amour" di Fabian Ros
"ducj chei fruts che a fasevin casin e a zuiavin di balon chi sot"
da "La maiute di Zidane" di Maurizio Mattiuzza
di prep.
Inte forme articolade, devant dal numar di un an, al pues introdusi un complement di timp determinât
sinonimi
in, ta
esempi
"dal 1915 o crodevin di lâ a difindisi cuintri la France e cuintri la Inghiltere, parcè che nus vevin insegnât che o jerin sociâts cu la Austrie"
da "I furlans e lis armis" di Riedo Pup
"Prissilian, un gnostic condanât dal imperadôr par magjie e imoralitât e fat decapitâ dal 386"
da "Sant Jacum, là che al finìs il mont" di Antoni Beline
di prep.
Cun valôr temporâl par pandi il principi o la durade
esempi
"di chê volte a son passâts agns e o soi content di podê dî che Visintin al à dimostrât che no vevi reson jo e che [...] e à vinçût la sô passion"
da "Note dal curadôr ae traduzion dal Infier di Dante" di Sandri Carrozzo
"al è di dôs oris che o spieti"
di prep.
Cun valôr di timp, ancje distributîf
esempi
"al veve lavorât tai cjamps e tai boscs di dut il paîs, di Istât e di Invier"
da "Ideis" di Meni Ucel
"ogni tant di domenie al leve al cine"
da "Il mâl dal tor" di Alan Brusini
di prep.
Cun valôr distributîf
sinonimi
su, fra, tra, par, ogni
esempi
"a son lis cjastinis dutis cul vier, di dîs tu salvis une"
di prep., s.m.
In corelazion cu la prep. "a", par segnâ un limit, sedi di robis materiâls che imateriâls
esempi
"di Tarvis a Tumieç, di Mont di Crôs a Pladen, di Cjargne a Tarcint e a Cividât e a Gurize, pardut al è proibît fotografâ"
da "I furlans e la television" di Riedo Pup
"des dôs aes cuatri o soi libar e o podìn viodisi"
"di une colone a chê altre dal porton a son trê metris"
di prep.
Par introdusi il secont tiermin di comparazion
sinonimi
che, che no
esempi
"o cjali chê cjase brute, malinconiche, basse e mâl fabricade, e pûr mi pâr plui biele di cualunche palaç parcè che dentri al è un grant tesaur"
da "La brût" di Catarine Percude
di prep.
Par introdusi proposizions infinitivis
di prep.
Devant di averbis, adietîfs, participis, sostantîfs al pues introdusi ancje subordenadis no infinitivis
Torna in Cima