SuperDizionari

difese s.f.
(di-fe-se)

Ativitât indreçade a stâ o a fâ stâ sul sigûr rispiet a pericui, menacis, atacs e v.i.

sinonimi

protezion

esempi

"Cavedalis, che al jere dispès presint tal fuart, al si rindè cont che la difese e jere aromai impussibile e partant al de l'ordin di evacuâlu (27 di Mai) e al fo lui stes a direzi la operazion"

da "Zuan Batiste Cavedalis - Une vite esemplâr" di Giovanni Pillinini

difese s.f.
(di-fe-se)

Ativitât indreçade a mantignî in buinis cundizions ancje rispiet a efiets contraris o situazions dificilis che a puedin derivâ no dome di une menace volontarie

sinonimi

tutele, protezion, pupilance

esempi

"un mieç di informazion che su cualchi cuistion - in primis la difese de lenghe furlane e la autonomie regjonâl, ma ancje la cuistion ambientâl e chê de difese dai dirits umans in sens gjenerâl - al à un ategjament militant cence sierâ fûr de puarte altris tematichis"

da "Un Friûl difarent: i 90 mhz di Onde Furlane" di Max Mauro

"la difese de salût sul puest di vore"

da "La emigrazion dal Friûl - Vignesie Julie te Belgjiche" di Francesco Micelli

difese s.f.
(di-fe-se)

Struture che e covente par mantignî la sigurece e il control

sinonimi

protezion, fortificazion

esempi

"Cuâts e Marcomans [...] si vevin viert une vie tal mieç des difesis dal confin danubian, a son rivâts fintremai tes regjons adriatichis, assediant Aquilee e sdrumant Opitergium"

da "Protostorie e storie romane in Friûl" di AAVV

difese s.f.
(di-fe-se)

Ce che al covente o ce che si fâs par fâ cuintri a alc di negatîf (ancje fig.)

sinonimi

bariere, mûr, protezion, ripâr

esempi

"l'amôr al jere plui fuart di dutis lis sôs difesis e lis sôs fuarcis"

da "Il dolfin" di Carlo Sgorlon

difese s.f.
(di-fe-se)

[CO] (med.) Tal pl., protezion dal organisim cuintri agjents esternis

difese s.f.
(di-fe-se)

[CO] (dir.) Avocat o grup di avocats che a àn l'ufici di difindi un imputât

esempi

"la difese e interoghe il testemoni"

difese s.f.
(di-fe-se)

[CO] Discors o azion fate par justificâ la reson di alc o di cdn.

esempi

"o vin sintût chê altre sere un deputât democristian de Costituente a fâ la difese, in comizi, di cheste Costituzion"

da "...come che e diseve la gjate di Aquilee" di Josef Marchet

difese s.f.
(di-fe-se)

(sport) Ativitât fate par impedî al aversari di fâ ponts

esempi

"sierâsi in difese e provâ a fâ gol di cuintripît"

difese s.f.
(di-fe-se)

(zûcs) Tal zûc dai scacs, tecniche des pedinis neris doprade par inviâ la partide

difese s.f.
(di-fe-se)

(erald.) Dint dal elefant o dal cenglâr

difese s.f.
(di-fe-se)

[CO] Ancje maiusc.,

monolingue