Hai cercato la parola
monolingue
Torna indietro

monolingue

dificoltât s.f.
(di-fi-col-tât)
Il fat di domandâ sfuarç, fadie, inteligjence, abilitât e v.i. par jessi capît o fat
esempi
"[prime di fâ la traduzion dal Infier] si veve di tignî cont la dificoltât de opare a plui nivei, determinade de grande capacitât poetiche di Dante e de complessitât formâl e sostanziâl che il poete florentin al veve dât ae Divine Comedie"
da "Note dal curadôr ae traduzion dal Infier di Dante" di Sandri Carrozzo
"un altri probleme e jere la dificoltât des comunicazions internis (il centri di control des emergjencis al rivave a comunicâ cu lis scuadris al lavôr cuntun unic telefon par ogni sale di control)"
da "Il disastri de centrâl nucleâr di Fukushima Dai-ichi" di Alessandro Pascolini
dificoltât s.f.
(di-fi-col-tât)
Robe, situazion e v.i. che e domande sfuarç, fadie, inteligjence, abilitât e v.i. par jessi capît o fat
sinonimi
afâr, berdei, cantin, complessitât, complicazion, crust, fastidi, gredei, ingredeament, ingredei, intop, intric, naine, ostacul, pastorie, pidiment, probleme, stente, tananai, voluç
esempi
"fruts tirâts sù cussì a vivevin contents. A cressevin pronts a frontâ e a vignî fûr di ogni dificoltât"
da "I furlans e i frutins" di Riedo Pup
dificoltât s.f.
(di-fi-col-tât)
Basse capacitât di fâ alc
sinonimi
probleme, fastidi, berdei, gredei, ingredeament, ingredei, intop, ostacul, pidiment, ritart
esempi
"ducj i fruts a imparin ben la marilenghe, almancul che no vedin une dificoltât specifiche tal imparâ il lengaç"
da "Il cjâf dai furlans" di Franc Fari
dificoltât s.f.
(di-fi-col-tât)
Spec. tal pl., element di oposizion o obiezion
sinonimi
cantin, berdei, contrarietât, cuistion, fastidi, intop, obiezion, oposizion, probleme
esempi
"in cuesture a Udin no i faserin dificoltâts par dâi la licence [di cjace]"
da "Prime di sere" di Carlo Sgorlon
dificoltât s.f.
(di-fi-col-tât)
Circostance negative
sinonimi
berdei, disfortune, disgracie, sventure
esempi
"[la fradaie] e garantive in vile une forme di assistence intai moments di dificoltât - massime cuant che lis fuarcis dal artesan a levin al mancul par vie de malatie o de vecjaie"
da "La invenzion dal stât" di Fabian Ros
"che i stessin dongje a pre Checo ce che al jere pussibil, che mi jere parût diferent dal solit e in dificoltât, sedi di salût che di pinsîr"
da "Memoriis di politiche linguistiche" di Adrian Cescje
proverbi
"volontât mangje dificoltât"
Torna in Cima