SuperDizionari

difindi v.tr.
(di-fin-di)

Salvâ, tignî cdn. o alc sul sigûr rispiet a une menace, a un pericul, a un atac e v.i.

sinonimi

parâ, protezi, vuardiâ

esempi

"i soldâts a àn di jessi convints che a van a difindi la patrie, ancje se a partissin a concuistâ l'imperi, o la Libie, o la Albanie o la France"

da "Tal non di Raffaella afârs e guviers" di Riedo Pup

difindi v.tr.
(di-fin-di)

Sostignî une reson, une part

sinonimi

justificâ, parâ, protezi, prudelâ, puartâ, pupilâ, sapontâ, scusâ, sostignî, travuardâ, vuardiâ

esempi

"[il cont Asquini] al faseve l'avocat a Udin: tal consei citadin al difindeve i contadins cuintri dai nobii che a volevin puartâur vie il dirit di vôt tes assembleis provinciâls"

da "Friûl e furlans te Histoire de ma vie di Giacomo Casanova" di Pierluigi Visintin

"lis feminis le odeavin, ma i oms a cirivin di difindile e di contindi che lis acusis cuintri di jê a jerin dutis bausiis"

da "Il dolfin" di Carlo Sgorlon

difindi v.tr.
(di-fin-di)

Cirî di fâ che alc si conservi o che al vegni rispietât

sinonimi

parâ, pupilâ, sapontâ, sostignî, travuardâ, vuardiâ, protezi, tutelâ

esempi

"no passe setemane che la nestre Regjon no tuteli, difindi e valorizi culture e lenghe furlanis (si fâs par mût di dî)"

da "In Friûl cul passepuart" di Riedo Pup

"iniziativis par studiâ, difindi e promovi la biodiversitât"

da "Relazion dal Grup di lavôr “Planificazion linguistiche”" di Donato Toffoli

difindi v.tr.
(di-fin-di)

[CO] (sport) Cirî di impedî al aversari di fâ ponts (ass.)

esempi

"dopo fat gol, la scuadre di cjase e à dome difindût e fat cualchi cuintripît"

monolingue