Tu âs cirût la peraule
monolengâl
torne indaûr

monolengâl

discjariâ v.tr.
(dis-cja-ri-â)
Gjavâ une cjarie, une cjame
sinonims
scjariâ, scjamâ, discjamâ
esemplis
"un cjar di robe al vignive devant dal puarton, dentri tal zardin, e al fermave da pît la scjalinade, e cuatri cinc di lôr in toni a discjariavin la mobilie"
gjavât fûr di "La aghe da pît la cleve" di Dino Virgili
"a lavin a vore a discjariâ cassons di pomis e verduris li dai Marcjâts Gjenerâi"
gjavât fûr di "Al è simpri cualchidun che al è “plui mancul” di te" di Marc Stolf
discjariâ v.tr.
(dis-cja-ri-â)
Lassâ jù i passizîrs daspò di vêju puartâts li che a vevin di lâ
sinonims
dismontâ, lassâ, molâ, scjariâ
esemplis
"la viere coriere che e faseve servizi de citadute vicine fin al paîs di Burchenbach, e rivà e e discjarià la sô cjame di int che ogni dì e tornave dal lavôr"
gjavât fûr di "Il muc" di Roberto Ongaro
discjariâ v.tr.
(dis-cja-ri-â)
Lassâ lâ fûr o fâ lâ fûr une cierte sostance, une cierte materie
sinonims
scjariâ, molâ
esemplis
"te zone metropolitane [i veicui] a discjariin ta l'atmosfere un 15 milions di metros cubics di gas incuinâts"
gjavât fûr di "Conclusion des cuistionutis" di Lelo Cjanton
discjariâ v.tr.
(dis-cja-ri-â)
Gjavâ un pês morâl, un pinsîr, une responsabilitât, un pês economic e v.i. (fig.)
sinonims
diliberâ, liberâ, slizerî, scjariâ
esemplis
"discjariâ la cussience"
discjariâ v.tr.
(dis-cja-ri-â)
Disvuedâ une arme gjavant i proietii
sinonims
scjariâ
esemplis
"si discjariin e cjariin lis armis ae presince dai presonîrs, parcè che si usin par cuant che ju fusilaran"
gjavât fûr di "La seconde Irlande" di Carli Pup
discjariâ v.tr.
(dis-cja-ri-â)
Lassâ lâ fûr une emozion, un sintiment, une tension e v.i. (fig.)
sinonims
scjariâ
esemplis
"lis partidis e lis barufis de domenie a discjariin dutis lis rabiis che il guvier al fâs vignî sù a la int vie pe setemane"
gjavât fûr di "Balon: crodi, ubidî e paiâ" di Riedo Pup
"par discjariâ la lôr energjie profetiche a scrivin come che a fevelin tes predicjis in glesie"
gjavât fûr di "Memoriis di politiche linguistiche" di Adrian Cescje
discjariâ v.tr.
(dis-cja-ri-â)
Gjavâ des tassis
sinonims
butâ jù, tirâ jù, discjamâ, scjariâ
esemplis
"discjariâ lis spesis medichis"
discjariâ v.tr.
(dis-cja-ri-â)
Gjavâ, fâ pierdi la cjarie eletriche
sinonims
scjariâ, scjamâ, discjamâ
esemplis
"sierâ aplicazions che a discjariin il telefon"
discjariâ v.tr.
(dis-cja-ri-â)
[CO] (inform.) Salvâ tun aparât un contignût disponibil in rêt
sinonims
scjariâ, scjamâ, discjamâ, tirâ jù
esemplis
"la schede di partecipazion si pues discjariâ dal sît Internet www.sunscontest.com"
gjavât fûr di "E torne la musiche internazionâl di Suns" di Natascia Gargano
torne sù