SuperDizionari

discors s.m.
(dis-cors)

Esposizion di une idee, di un pinsîr, par mieç de peraule

sinonimi

discorude, plait, resonade, resonament, sproc, fevelade

esempi

"al veve tacât cun so pari il discors sul lâ vie di cjase: al veve motivât che in Friûl al varès metût masse agns par metisi a puest"

da "I prâts des Savodagnis" di Agnul di Spere

discors s.m.
(dis-cors)

Esposizion di argoments, in gjenerâl in forme di monolic, fate in public, pal solit in ocasions uficiâls

sinonimi

plait

esempi

"tal 1866 Garibaldi al è stât a Udin a fâ un discors dai siei. Tiere di confin il Friûl, e duncje fâ pratiche cu la sclope, tignîsi pronts e vie indenant di chest pas"

da "Amîs come prime" di Alan Brusini

discors s.m.
(dis-cors)

Conversazion, fevelade tra dôs o plui personis

sinonimi

colocui, conference, conversazion, partide di discors, resonade

esempi

"e scoltave, invezit, i discors dal barbe Tite e di siôr Dalban e i pareve che il so spirt si vierzès dongje chei doi studiâts che a savevin cetantis robis"

da "Cjase di Dalban" di Maria Forte

"il discors al colà sui Batistons, sul matrimoni di Guri e Nita"

da "La aghe da pît la cleve" di Dino Virgili

"a vevin tant imbastît discors su chel fat [fâ une cjase gnove intun ciert puest], … ma Zuan nol veve cjapât chê idee"

da "La tiere di Lansing" di Maria Forte

discors s.m.
(dis-cors)

(let.) Dissertazion, tratazion, ancje tant che titul di opare

sinonimi

plait

esempi

"Patanjali, un grant studiôs e miedi dal II secul daspò di Crist (p. di C.), inte sô opare principâl, I discors tor dal yoga (Yoga-sutra), al à dit che la meditazion e à come obietîf finâl chel di fermâ i pinsîrs"

da "Neurosiencis de meditazion" di Franc Fari

discors s.m.
(dis-cors)

In sens une vore gjeneric, pal solit in espressions negativis, par rimarcâ une oposizion, une diference, il fat che alc nol jentre cun ce che si à dite fin ta chel moment e v.i. (fig.)

sinonimi

facende, storie, cuistion, robe

esempi

"il furlan nol à mai odeât nissun. Al massim al po volê ben plui a di un che no a di un altri. Ma chest nol è un difiet e soredut al è un altri discors"

da "I furlans e i talians" di Riedo Pup

discors s.m.
(dis-cors)

[TS] (ling.) Enunziât che si davuelç in frasis leadis dal sens e di une intenzion di comunicazion unitarie

esempi

"la notazion dal discors si interesse di dutis chês notazions dopradis par marcâ dutis lis relazions e i elements che a van di là dai confins de frase"

da "Corpus linguistics" di Vladimir Petkevic

discors s.m.
(dis-cors)

[TS] (mus.) Svilup di un teme, massime di gjenar melodic

discors s.m.
(dis-cors)

Esposizion di contignûts, massime intune opare artistiche, ancje no a peraulis (fig.)

esempi

"il riferiment judaic al è presint in dut il discors alegoric de aule Sud e al cjate une conferme in plui tal grant cuadri cu la stele di Davide, che e je te aule Nord"

da "I mosaics de basiliche di Aquilee" di Giovanni Battauz, Flavio Cossar, Renato Iacumin

monolingue