SuperDizionari

discussion s.f.
(dis-cu-ssi-on)

Il discuti, il fevelâ di une cuistion fat di plui personis che a puedin vê ideis diviersis tra di lôr

sinonimi

cuistion, dibatiment

esempi

"lis discussions par scrivi un statût che al les ben a ducj - al conte Silvano Pagani - a son ladis indenant par cualchi mês"

da "Un Friûl difarent: i 90 mhz di Onde Furlane" di Max Mauro

"il sindic, intant de discussion dal belanç di prevision, al presente ogni an al consei un document di justament dal program"

da "Statût dal Comun di Udin" di Aministrazion Publiche

"o sin une vore sodisfats dal procès di discussion inte Comission pal stabiliment de grafie furlane. O vin fat il confront di posizions une vore diferentis e o sin rivâts a une cunvigne"

da "La grafie furlane normalizade – Introduzion" di Xavier Lamuela

discussion s.f.
(dis-cu-ssi-on)

Confront dialetic violent

sinonimi

beghe, contrast, criche, cuistion, dadî, litighe, rebecade, rebechide, tarlec, tiche, triche, barufe

esempi

"il serp al saveve che par lâ a Berne al jere miôr passâ pal Simplon, ma a Belgrât i vevin dât i biliets par Milan, Chiasso e Olten, e lui nol voleve intopâsi tune discussion cui ferovîrs"

da "In viaç di domenie" di Agnul di Spere

"un pas a la volte, tra discussions, ricors e barufis, lis competencis e i dirits de Contadinance e dal Parlament a forin stabilîts e ancje lis causis di litigâ a vignirin a mancjâ"

da "Cuintristorie dal Friûl fin sot la Italie" di Josef Marchet

discussion s.f.
(dis-cu-ssi-on)

[TS] (dir.civ.) Fase dal procès dulà che i legâi a puedin intervignî cu la peraule

discussion s.f.
(dis-cu-ssi-on)

[TS] (mat.) Studi des soluzions di une ecuazion o di un sisteme di ecuazions o di un probleme cuntune o plui variabilis

monolingue