SuperDizionari

discuti v.intr.
(dis-cu-ti)

Fevelâ confrontant ideis

sinonimi

cjacarâ, fevelâ, tabaiâ, discori

esempi

"mi plâs di stâ in cjase… di discuti cun personis scueladis e inteligjentis"

da "Vieri e gnûf" di Pieri Piçul

"al pensave che, lant a discuti cul nemì, al varès podût pierdi la fiducie dai soldâts"

da "Zuan Batiste Cavedalis - Une vite esemplâr" di Giovanni Pillinini

discuti v.intr.
(dis-cu-ti)

Fâ un sunsûr che al somee chel dal fevelâ (fig.)

sinonimi

cjacarâ, discori, fevelâ, tabaiâ, cisicâ, murmuiâ

esempi

"uì invessi al cipava il rusignoul, la erba alta a vongalava bilbilin, al discuteva il rûc là difour"

da ""Inemorato io son di te"" di Novella Cantarutti

discuti v.tr.
(dis-cu-ti)

Scrutinâ une cuistion e sim. par confrontâ opinions diviersis e par rivâ a cjapâ une decision comune

sinonimi

dibati, tratâ

esempi

"a àn fat il lôr regolâr congrès. A àn discutût lis lôr robis; votade une mozion, elete une dirigjence"

da "Portus Naonis docet" di Riedo Pup

discuti v.intr.
(dis-cu-ti)

Fevelâ in maniere animade, rivant ancje a barufâ

sinonimi

cuistionâ, begâ, dâsi dai dincj, discjavelâsi, piticâsi, pitimâsi, pitufâsi, radegâ, rebecâ, rebecâsi, ticâsi, tichignâsi, tirâsi pai cjavei, tirâsi pai dincj, barufâ

esempi

"si intopave in grops di int che a discutevin a fuart denant di grancj manifescj scrits cun caratars neris, grancj"

da "Messe di misdì a Varsavie" di Agnul di Spere

monolingue