SuperDizionari

disgropâ v.tr.
(dis-gro-pâ)

Disfâ grops o liberâ ce che al è peât strent

sinonimi

disberdeâ, discateâ, discrosâ, disfâ, disgrignâ, disgringhiâ, dispetolâ, distrigâ, disbroiâ, disleâ, dismolâ, distorteâ

esempi

"biel planc, poiât il voluç sui zenoi, al veve disgropât il spali e disvoluçade la cjarte"

da "Grivôr" di Franca Mainardis

"mê mari, in cjamese, e jere daûr a disfâ la strece che jê e puartave intorcolade a cocon. Intant che le disgropave cun sescj di gnervôs, e tufave e e tulugnave"

da "Trê feminis" di Gianni Gregoricchio

disgropâ v.tr.
(dis-gro-pâ)

Risolvi une situazion complicade (fig.)

sinonimi

disbratâ, disgredeâ, distrigâ, disberdeâ, discrosâ, disbroiâ

esempi

"il guvier le à menade ator fintremai cumò: ma il grop al è vignût al ristiel e al tocje disgropâlu"

da "Il strolic al pronostiche" di Josef Marchet

disgropâ v.tr.
(dis-gro-pâ)

Sfrancjâ o disduliâ une part dal cuarp cul movile o doprâle un pôc (fig.)

sinonimi

disleâ, sfrancjâ, smolâ

esempi

"une sere, fermade la comitive a Auronzo, a disgropâ i zenoi, bevi e disbevi alc, biel tornant in ca di une gjite [...]"

da "L'ultin pinguin" di Ivano Urli

disgropâ v.tr.
(dis-gro-pâ)

Liberâ di un bloc, di un pês psicologjic, di une complicazion, confusion e v.i. (fig.)

esempi

""O soi disperade, siore Pine, disperade che mai. Che mi lassi disgropâ il cûr cun jê!""

da "Varc di confin" di Maria Forte

monolingue