Tu âs cirût la peraule
monolengâl
torne indaûr

monolengâl

dissen s.m.
(dis-sen)
Rapresentazion fate cun segns e liniis
sinonims
figure, ilustrazion, pipinot, schiç
esemplis
"lis mestris a insegnavin tantis robis. A contavin flabis e storiis e a fasevin fâ i dissens sul cuader cui lapis colorâts"
gjavât fûr di "Ombris tal infinît" di Carlo Sgorlon
"i dissens dal libri a son dal stes autôr, Antoine de Saint-Exupéry"
gjavât fûr di "Interviste a Ivan Cecchini" di Dree Venier
Viôt ancje: dissegn, disen, disegn
dissen s.m.
(dis-sen)
Ornament fat di liniis, figuris, soredut stampadis, spec., su stofe, cjarte e v.i.
sinonims
figure, motîf
esemplis
"ta chel a rivarin Brunhilde e Ingeborg. A vistivin des bielis tutis neris cun dai disens in rilêf"
gjavât fûr di "Sense" di Checo Tam
dissen s.m.
(dis-sen)
Forme di alc che si viôt (fig.)
sinonims
linie, forme, profîl
esemplis
"si viodeve dome il dissen fat des ombrenis dai ramaçs di un olnâr"
gjavât fûr di "Te vuate" di Michele Vuardianut Calligaris
"la zornade e jere clare come un veri, e si viodeve il dissen di ogni cjase, ancje la mê, piçule e nete come une miniature"
gjavât fûr di "Il dolfin" di Carlo Sgorlon
dissen s.m.
(dis-sen)
Tecniche, art, materie di insegnament dal rapresentâ cun segns grafics
esemplis
"o tornavi cjase aes cinc di sere, par po tornâ di gnûf a Sant Denêl, pe scuele serâl di dissen"
gjavât fûr di "Interviste a Manlio Collavino" di Christian Romanin
dissen s.m.
(dis-sen)
Proponiment pal futûr (fig.)
sinonims
fin, intenzion, progjet, program, volontât
esemplis
"Rico al veve scoltade dute la storie di Gjino, i siei dissens lis sôs opinions sul mont, su la vite"
gjavât fûr di "Il muc" di Roberto Ongaro
"un dissen di azion bisugne vêlu, di subit, ma si à di verificâ se al funzione e cemût che si à di corezilu par ordin"
gjavât fûr di "Memoriis di politiche linguistiche" di Adrian Cescje
dissen s.m.
(dis-sen)
Complès, des carateristichis formâls che a dan une cierte impression, identitât, diferenziazion e v.i.
sinonims
aspiet, design, linie, stîl
esemplis
"il nestri vantaç competitîf al è simpri stât te cualitât, tal dissen, tal stîl, te afidabilitât, tes tecnologjiis specializadis, te flessibilitât, tes rêts"
gjavât fûr di "Euro o no euro: isal chest il probleme?" di Patrizia Tiberi Vipraio
detulis
"il timp e la muart a rompin i dissens"
torne sù