SuperDizionari

distacâsi v.pron.intr.
(dis-ta-câ-si)

Vignî vie o vignî jù di dulà che si jere tacâts

sinonimi

diszontâsi, molâsi, separâsi, dispeâsi, disbletâsi

esempi

"e lis fueis zalis e rossis, che si distacavin dai teis, a jerin mans che a saludavin"

da "Cjase di Dalban" di Maria Forte

"al scovave tocs di crep che si distacavin dal volt dai puartins"

da "Kebar krossè" di Stiefin Morat

Vedi anche: stacâsi

distacâsi v.pron.intr.
(dis-ta-câ-si)

Pierdi o slizerî o disfredâ un leam di afiet, interès o sim.

sinonimi

lâ vie, dividisi, separâsi, slontanâsi, dislontanâsi

esempi

"cun Nadalie o jeri come sûr zimule. No savevin distacâsi"

da "Vieri e gnûf" di Pieri Piçul

"si iritave ancje pensant ai fîs che a jerin, une buine part, la colpe di chel distacâsi dal om"

da "La tiere di Lansing" di Maria Forte

distacâsi v.pron.intr.
(dis-ta-câ-si)

No jessi compagn, jessi diviers

sinonimi

diferenziâsi, distinguisi, slontanâsi, dislontanâsi

esempi

"lis testemoneancis dai diviers procès a puedin, par diviers motîfs, distacâsi tai particolârs di suaze, ma pal solit a concuardin suntun telâr di fonde avonde costant"

da "Jenfri vîfs e muarts" di Sandri Carrozzo

"une soluzion che no si distachi masse dal sisteme di Marchet"

da "Memoriis di politiche linguistiche" di Adrian Cescje

distacâsi v.pron.intr.
(dis-ta-câ-si)

Lâ vie di cdn. o di un puest

sinonimi

slontanâsi

esempi

"si distacà dai compagns e si invià jù a cjase pai trois"

da "Gran Dio benedite l' Italia" di Riedo Pup

"Si jere decidude a distacâsi dal barcon, a no fissâ plui cun voli bramôs inte direzion de muraie"

da "A ôr dal flum" di Franca Mainardis

distacâsi v.pron.intr.
(dis-ta-câ-si)

Pierdi il colegament cuntun circuit, un mecanisim e sim.

sinonimi

disconetisi, discolegâsi

monolingue