Hai cercato la parola
monolingue
Torna indietro

monolingue

distacât adi.
(dis-ta-cât)
Che nol è tacât, che nol è dongje
esempi
"in cualchi puest [la stale] si viodevile distacade dal lûc dominicâl, jù insom dal curtîl, cu la arie, la lobie e il toglât"
da "I furlans e la stale" di Riedo Pup
"o vevin une cjamare cun trê jets ducj distacâts"
da "Jo e Graziella" di Mario Beltramini
distacât adi.
(dis-ta-cât)
Che no si lasse cjapâ cun passion, che al cjale lis robis cun fredece, come se a fossin lontanis
sinonimi
disinteressât, distant, lontan, impassibil, imperturbabil
esempi
"al cjalà, come distacât di dut, ce che i restave intor, in chê ultime ore di respîr"
da "Cjase di Dalban" di Maria Forte
"si sintive distacât dal presint e al viodeve lis robis intune prospetive plui alte e plui largje"
da "Prime di sere" di Carlo Sgorlon
distacât adi.
(dis-ta-cât)
Di ufici o sede, periferic rispiet a un ufici o une sede centrâl
esempi
"il Consorzi al rive a vê pal 1968 la facoltât di Lenghis e leteraturis forestis a Udin, tant che sede distacade di Triest, cun 520 iscrits"
da "La Universitât dal popul furlan" di Elena Zanussi
Torna in Cima