Tu âs cirût la peraule
monolengâl
torne indaûr

monolengâl

distance s.f.
(dis-tan-ce)
Misure dal spazi lineâr tra doi ponts, tra dôs robis, personis e v.i., o de stesse robe, persone e v.i., di un pont di partence a un di rivade
esemplis
"lis frecis a podevin rivâ ae velocitât di 100 km oraris e lâ lontan fin a 200 metris. Si pense però che la distance buine e fos tor dai 30-50 metris"
gjavât fûr di "La preistorie in Friûl" di Andrea Pessina, Gaetano Vinciguerra
"[i doi rês dai scacs] a àn di mantignî simpri almancul une casele di distance un di chel altri"
gjavât fûr di "Zuìn di scacs" di Nilde Teresa Negro
"no rivavi a capî a ce distance che mi cjatavi dal vât"
gjavât fûr di "Sense" di Checo Tam
"une bombe e cjapà in plen un setôr de trincee a pocje distance di Zorç"
gjavât fûr di "La trombe" di Checo Tam
distance s.f.
(dis-tan-ce)
[TS] (gjeom.) Segment di une rete che al unìs doi ponts
distance s.f.
(dis-tan-ce)
[TS] (sport) Tes garis di corse, la lungjece dal percors
esemplis
"un nadadôr specializât su lis distancis dai 100 e dai 200 metris di stîl libar"
distance s.f.
(dis-tan-ce)
Il fat di jessi lontan
esemplis
"si vuelin ben, ma a vivin lontan, fin che no cjatin une soluzion a àn di imparâ a sopuartâ la distance"
distance s.f.
(dis-tan-ce)
Spazi di timp
sinonims
diference, distac, salt
esemplis
"tra la prime e la seconde vuere mondiâl e je une distance di uns vincjecinc agns"
distance s.f.
(dis-tan-ce)
Il no someâsi, no jessi l'istès, il jessi diferent (fig.)
sinonims
diference, divari, diversitât, svari, disparitât
esemplis
"tra il dî e il fâ cualchi volte e je une grande diference, une distance che no podìn plui permetisi"
gjavât fûr di "Scuelis di cualitât e lenghis di minorance. Une riflession su la lenghe furlane intes scuelis" di Mario Dutto
"chescj sienziâts a àn misurât lis diferencis linguistichis dai grups (intal lessic e inte sintassi: distance linguistiche) e lis diferencis gjenetichis (distance gjenetiche)"
gjavât fûr di "Autonomie e democrazie, i numars de Socializazion umane" di Franc Fari, Eric Pascul
distance s.f.
(dis-tan-ce)
Pocje partecipazion emotive
esemplis
"cjapâ lis robis cemût che a vignivin, cjalâlis di adalt, cun distance e cence passion"
gjavât fûr di "Prime di sere" di Carlo Sgorlon
torne sù